قىرعىزستاندا ق ر حالىق ءارتىسى ەسكەندىر حاسانعاليەۆتىڭ شىعارماشىلىق كەشى ءوتتى - فوتو
شەتەلدىك ديپلوماتيالىق كورپۋس باسشىلارى، قوعامدىق جۇرتشىلىق، شىعارماشىلىق زيالى قاۋىم جانە قازاق دياسپوراسىنىڭ وكىلدەرى قاتىسقان شارانى قىرعىزستانداعى قازاقستان ەلشىلىگى ۇيىمداستىردى. بۇل شىعارماشىلىق كەش قازاق حاندىعىنىڭ 550 جىلدىعىنا ارنالدى.
كونسەرتتە اتاقتى ءانشى زايىبى داريكومەن بىرگە قوسىلىپ ءان سالىپ، كورەرمەندەرىنىڭ قوشەمەتىنە بولەندى.
شىعارماشالىق كەشتە ءانشى كومپوزيتوردىڭ «اناعا سالەم»، «گۇل سەزىم»، «ەسىڭە ال»، «ەسكىرمەگەن ماحاببات» جانە باسقا دا تانىمال اندەرى ورىندالدى. ونەر مەرەكەسى اقىن قادىر مىرزا-ءالىنىڭ سوزىنە جازىلعان كومپوزيتوردىڭ «اتامەكەن» انىمەن اياقتالدى.
قازاق دياسپوراسىنىڭ وكىلى ەركىن بولەكبايەۆ ە. حاسانعاليەۆكە تاماشا ونەر كەشى ءۇشىن العىس ايتىپ، قىرعىزستاندا تۇراتىن بارلىق وتانداستارىمىزدىڭ اتىنان كومپوزيتورعا العىسحات تاپسىردى. سونداي-اق ريزا كورەرمەن گۇل شوقتارى مەن ەسكەرتكىش سىيلىقتاردى تارتۋ ەتتى.
قازاق ساحناسىنىڭ ارداگەرىن ق ر ەلشىسى ايىمدوس بوزجىگىتوۆ قۇتتىقتادى. كەشتىڭ وتۋىنە سونداي-اق «گازپروم قىرعىزستان» ديرەكتورى بولوت ابىلدايەۆ جانە «قازمىس گولد قىرعىزستان» كومپانياسىنىڭ باس ديرەكتورى ءىلياس تولەكەيەۆ دەمەۋشىلىك قولداۋ كورسەتتى.
