الماتى وبلىسىنىڭ تىگىن كاسىپورنى بالالارعا ارنالعان سپورتتىق كيىم ۇلگىسىن ۇسىنىپ وتىر
وبلىس اكىمىنىڭ باسپا ءسوز قىزمەتىنىڭ حابارلاۋىنشا، نەبارى 20 ەسىكتىك تىگىنشى جۇمىس ىستەپ وتىرعان فابريكا اشىلعان سوڭ ءۇش جىلدان كەيىن ءوزىنىڭ ساۋدا بەلگىسىن قازاقستاندىق نارىققا ۇسىندى.
«Plus» ج ش س باستاپقىدا نارىققا باعدارلانعان. اشىلا سالىسىمەن جىلىنا سپورتشىلارعا ارنالعان ءتورت مىڭ بىرلىك كوستيۋم تىگۋدى جوسپارلاعان كاسىپورىن 2012 -جىلى ءجۇز ميلليون تەڭگەدەن استام تابىس تاپتى. بۇگىندە كاسىپورىننىڭ تابىسى 200 ميلليوندى قۇراپ وتىر.
جاپونيادان ساتىپ الىنعان جابدىقتار «Plus» ج ش س- نىڭ قىزمەتكەرلەرىنە قۇرىلىسشىلار مەن كوممۋنالدىق شارۋاشىلىق قىزمەتكەرلەرىنىڭ ارنايى كيىمىن، اڭشىلار ءۇشىن كامۋفلياج، بالىقشىلارعا ارنالعان كومبينەزوندار، مەكتەپ كيىمى جانە تاعى باسقالارىن شىعارۋعا مۇمكىندىك بەرىپ وتىر. بۇل رەتتە كيىمنىڭ ساپاسى باسىمدىققا الىندى. ەڭبەكشىقازاق اۋدانىندا شىعارىلعان كيىمگە اقتاۋ، اتىراۋ، قاراعاندىنىڭ بولشەك ساتىپ الۋشىلارى قۋانا تاپسىرىس بەرۋدە. بۇل تىگىن فابريكاسىنىڭ دۇكەنى الماتىدا بار. جاقىن ۋاقىتتا تاعى بىرەۋى استانادا اشىلماق.
كاسىپورىن ديرەكتورى دينارا سانييەۆا شيكىزات رەتىندە رەسەيلىك، كارىس، تۇرىك توقىماسىن پايدالانۋعا ءماجبۇر بولىپ وتىرعاندارىن باياندادى. ءبىزدىڭ تۇتىنۋشىمىزدىڭ شەتەلدىكتەن كەم تۇسپەيتىن وتاندىق بالامالارعا نەلىكتەن سەنبەيتىنى تۇسىنىكسىز بولىپ وتىر. «Plus» ج ش س باسشىلىعى سەرىكتەستەرىنىڭ نازارىن وتاندىق بالاما ونىمدەرگە اۋدارماق. كەڭ كولەمدى اقپاراتتىق- ءتۇسىندىرۋ جانە جارنامالىق ناۋقاندى وتكىزۋ جوسپارى جاسالىپ جاتىر. ول جەرگىلىكتى، وبلىستىق ب ا ق- تا جانە استانا جانە الماتى قالالارىندا تاراتىلاتىن گازەتتەر ارقىلى وتكىزىلەدى.
