قازاقستان زىمىران شابۋىلى مەن عارىش كەڭىستىگىنىڭ جاعدايى تۋرالى اقپارات الاتىن بولادى
بۇل تۋرالى ق ر ق م باسپا ءسوز قىزمەتى حابارلادى.
بالقاش تورابى قازاقستان رەسپۋبليكاسى مەن رەسەي فەدەراتسياسىنىڭ اسكەري قاۋىپسىزدىگىن قامتاماسىز ەتۋدە ماڭىزدى ءرول اتقارادى. قازاقستاندىق بالقاش تورابىندا رەسەيلىك زىمىران شابۋىلىن ەسكەرتۋ جۇيەسىن بەرۋ مەن ءارى قاراي پايدالانۋ جاعدايى تۋرالى ەكى ەل وكىلدەرى اراسىنداعى ۋاعدالاستىققا 2014 -جىلدىڭ 2 -جەلتوقسانىندا قول قويىلعان بولاتىن. ۋاعدالاستىقتىڭ ماقساتى قازاقستان اۋماعىندا ورنالاسقان قازاقستاندىق بالقاش تورابىن بەرۋ جانە ءارى قاراي پايدالانۋدىڭ جاڭا جاعدايلارىن ايقىنداۋ بولىپ تابىلادى.
سونىمەن بىرگە رەسەي فەدەراتسياسى ق ر مەملەكەتتىك جانە اسكەري باسقارۋ پۋنكتەرىنە زىمىران شابۋىلى مەن عارىش كەڭىستىگىن باقىلاۋ جۇيەسى تۋرالى ەسكەرتۋ قۇرالىنان اقپارات بەرىپ وتىرادى. بۇل اقپارات زىمىراننىڭ ۇشۋ ۋاقىتى، اۋدانى، ۇشىرىلۋى مەن قۇلاۋى، زىمىراننىڭ بالليستيكالىق تراەكتورياسى، سونداي-اق ءبىزدىڭ عارىش اپپاراتتارىنىڭ عارىش وبەكتىلەرىنە جاقىنداۋ ءقاۋپى، جاناتىن عارىش نىساندارىنىڭ ق ر ءۇشىن قاۋىپ تۋدىراتىن اۋداندارعا ءتۇسۋى تۋرالى، قر اۋماعىندا شەتەل عارىشتىق بارلاۋ اپپاراتتارىنىڭ ۇشۋى تۋرالى مالىمەتتەرمەن قوسا عارىش كەڭىستىگىندەگى جاعداي تۋرالى اقپاراتتار.
بۇدان كەيىن بالقاش تورابىن بىرگە پايدالانۋ جانە قازاقستاندىق اسكەري قىزمەتشىلەردى وقىتۋدى ۇيىمداستىرۋ كەزەڭدەرىنە بىرتىندەپ ءوتۋ جوسپارلانعان. بۇدان وزگە رەسەيلىك جاق پايدالانعان جەر ۋچاسكەسىنىڭ (4 مىڭ گەكتاردان اسپايتىن) شەكاراسىن ايتارلىقتاي قىسقارتۋ قاراستىرىلعان. ۋاعدالاستىقتى بەكىتۋ ەكى مەملەكەتتىڭ قورعانىس قابىلەتىن نىعايتىپ، قاۋىپسىزدىگىن قامتاماسىز ەتۋگە ىقپال ەتەدى.
