وسكەمەندە اۆتوكولىكتەردى كىمنىڭ ورتەپ جۇرگەنى انىقتالدى

پورتالدىڭ مالىمەتىنشە، وتكەن دەمالىس كۇندەرى وبلىس ورتالىعىندا قاسكويلەر بەس كولىكتى ورتەپ جىبەرگەن. پوليتسەيلەر بۇرىن ءىستى بولعان الماتى وبلىسىنىڭ تۇرعىنىن ۇستادى. ول كولىكتەردى ورتەدى دەگەن كۇدىك بار.

«كوسميچەسكايادا كولىكتەردى ورتەدى دەگەن كۇدىكپەن بۇرىن سوتتالعان الماتى وبلىسىنىڭ 19 جاستاعى تۇرعىنى ۇستالدى. قازىر ونىمەن تەرگەۋشىلەر جۇمىس ىستەپ جاتىر. ال ۆوروشيلوۆادا ورتەلگەن كولىكتەرگە قاتىستى ىزدەۋ شارالارى ءالى دە جۇرگىزىلۋدە»، - دەدى وسكەمەننىڭ ىشكى ىستەر باسقارماسىنداعىلار.

ەسكە سالا كەتەيىك، بۇعان دەيىن وسكەمەندە ءبىر تۇندە بەس بىردەي اۆتوموبيلدىڭ ورتەنىپ كەتكەنى حابارلانعان بولاتىن. قۇتقارۋشىلاردىڭ ايتۋىنشا، ءبىرىنشى وقيعا كوسميچەسكايا كوشەسىندەگى اۋلالاردىڭ بىرىندە بولدى - Skoda اۆتوموبيلى ورتەنىپ، سالدارىنان قاسىندا تۇرعان «ۆاز-2115» دا جانىپ كەتتى. ورتسوندىرۋشىلەر كەلگەنشە ەكى اۆتوموبيل دە قاتتى زارداپ شەكتى. «بۇگىن تۇندە ۆوروشيلوۆ كوشەسىندەگى اۆتوتۇراققا قويىلعان «موسكۆيچ-424»، «ۆاز-21099» جانە Lada Granta ورتەنىپ كەتتى، - دەپ حابارلادى وسكەمەن ت ج د وكىلدەرى. - ءورت شالعان اۋماق توعىز شارشى مەتر بولدى».

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى