الماتىدا يسلام الەمىندەگى ۇلى عالىمداردىڭ اسا سيرەك كەزدەسەتىن ەڭبەكتەرىنىڭ كورمەسى اشىلدى - فوتو
«2009 -جىلى باكۋدە يسلام ىنتىماقتاستىعى ۇيىمىنا مۇشە ەلدەردىڭ مادەنيەت مينيسترلەرىنىڭ ءتورتىنشى يسلام كونفەرەنسياسىندا الماتى قالاسى - ازيا ايماعى بويىنشا يسلام مادەنيەتىنىڭ 2015 -جىلعى استاناسى بولىپ جاريالاندى. قالامىز تەكتەن- تەككە بەكىتىلگەن جوق. الماتى - قازاقستاننىڭ مادەني استاناسى، عىلىم مەن ءبىلىمنىڭ التىن بەسىگى. قالامىزدا 300 دەن اسا مادەني ورتالىق، 115 تاريحي قۇندىلىققا يە ەسكەرتكىش بار. الماتى قالاسىنىڭ يسلام مادەنيەتىنىڭ استاناسى بولىپ جاريالانۋى - يسلام كوكجيەگىنىڭ ودان ءارى كەڭەيۋىنە، قالامىزدىڭ الەمدىك دەڭگەيدەگى مادەنيەت ورتالىقتارىنىڭ بىرىنە اينالۋىنا ۇلكەن ۇلەس قوسادى»، - دەدى ءوز سوزىندە ق ر ۇلتتىق كىتاپحاناسى سيرەك كىتاپتار مەن قولجازبالار قورىنىڭ باسشىسى ايحان بەكبولاتوۆا.
كورمەدە ق ر ۇلتتىق كىتاپحاناسى قورىنان XII- XVIII ع ع. كونە قولجازبا قۇراندار، سۇلەيمەن ءباقىرعانيدىڭ «حيكمەتتەرى» (XVI ع. )، شىعىس اقىندارى نيزامي، ناۆوي، ساعدي، حافيز، ءجامي، فيزۋلي جانە تاعى باسقا دا اقىنداردىڭ يسلام ءدىنى بويىنشا پوەتيكالىق جانردا شاعاتاي، اراب جانە پارسى تىلدەرىندە جازعان قولجازبالارى كورەرمەن نازارىنا ۇسىنىلدى.
كورمەنىڭ تاريحي- مادەني جانە تانىمدىق ماڭىزى وتە زور. ول كەلۋشىلەرگە بۇرىنىراق عالىمداردىڭ تەك شاعىن توبىنا عانا قولجەتىمدى بولىپ كەلگەن جازبا مۇرالاردىڭ باعا جەتپەس راريتەتتەرىمەن تانىسۋعا مۇمكىندىك بەرەدى.
ءىس- شاراعا «نۇر- وتان» پارتياسى الماتى قالالىق فيليالى جانىنداعى «ميراس» قوعامدىق كەڭەسىنىڭ وكىلدەرى، الماتى قالاسى مەشىتتەرىنىڭ باس يمامدارى مەن ءدىنتانۋشى- عالىمدار، جۋرناليستەر، جوعارى وقۋ ورىندارىنىڭ ستۋدەنتتەرى جانە الماتى قالاسىنىڭ كىتاپحاناشىلار قاۋىمى شاقىرىلادى.
«
