ا ق ش قۇندىزدى باسىپ العان تالىپتەرگە اۋەدەن سوققى جاسادى
ەسكە سالا كەتەيىك، سەيسەنبىگە قاراعان ءتۇنى قۇندىز قالاسى «تاليبان» قوزعالىسى سودىرلارىنىڭ جاپپاي شابۋىلىنا ۇشىراعان.
جەرگىلىكتى ب ا ق- تىڭ مالىمەتتەرىنشە، تالىپتەر قالاعا كىرىپ، قۇندىزدىڭ ورتاسىندا كۇش قۇرىلىمدارىنىڭ قىزمەتكەرلەرىنە شابۋىلدادى.
بۇدان باسقا، ولار پروۆينسيالىق ورتالىقتان نەگىزگى شىعۋ جولدارى مەن اۋەجايعا باراتىن جولدى قورشاپ تاستادى. دەرەككوزدەردىڭ حابارلاۋىنشا، «تاليباننىڭ» بۇل شابۋىلى ۇيىمداستىرۋشىلىعىمەن جانە قاتىسۋشى ادامداردىڭ كوپ سانىمەن ەرەكشەلەنىپ وتىر.
تاليبتاردىڭ جاڭا كوشباسشىسى موللا احتار مانسۇر جەرگىلىكتى تۇرعىنداردى «ەشتەڭەدەن قورىقپاۋعا» شاقىردى. سونداي-اق ول كابۋلدان ءوزىنىڭ جەڭىلگەنىن مويىنداۋعا شاقىردى.
قۇندىز قالاسى ورتالىعىنىڭ قۇلاۋى سەيسەنبى كۇنى بيلىك باسىندا جۇرگەنىنە ءبىر جىل تولۋىن اتاپ وتكەن ا ي م پرەزيدەنتى اشراف عانيدىڭ ۇكىمەتى ءۇشىن كۇردەلى سوققى بولىپ وتىر.
اۋعانستاننىڭ قورعانىس مينيسترلىگى ۇكىمەت اسكەرىنىڭ جاقىن ۋاقىتتا قالانى سودىرلاردان ۇرىسپەن قايتارىپ الاتىنىن مالىمدەدى. ولاي بولعانىمەن، اۋعاندىق ب ا ق وتكەن تۇندە كابۋلدىڭ قاۋىپسىزدىك كۇشتەرىنىڭ اۋەجايدا بولىپ، اسكەري ءىس- قيمىلدارعا كىرىسپەگەنىن حابارلاپ وتىر.
بۇدان بولەك، بۇگىن "تولو" تەلەارناسى قۇندىز قالاسىنىڭ شەتىندەگى "تاليبان" نىساندارىنا ا ق ش اۋە كۇشتەرى سوققى جاساعانىن حابارلادى.
