ۆەنگريادا تۇركىتانۋشى قوڭىر ماندوكي ەڭبەكتەرىنىڭ جاڭا جيناعى تانىستىرىلدى
بۇل تۋرالى حالىقارالىق تۇركى اكادەمياسىنىڭ twesco.org اقپاراتتىق تانىمدىق پورتالى حابارلادى.
عالىمنىڭ تاڭداۋلى ماقالالارى توپتاستىرىلعان ەڭبەكتى تۇركى اكادەمياسىنىڭ ارنايى جوباسى اياسىندا ۆەنگريالىق پروفەسسور ادام مولنار ازىرلەپ، تانىمال امەريكالىق تاريحشى- تۇركولوگ پيتەر گولدەن العى ءسوزىن جازعان. كىتاپ تولىق تارالىمى باسىلىپ بولعان سوڭ ەۋروپاداعى بەلگىلى عىلىمي زەرتتەۋ ورتالىقتارى مەن جوعارعى وقۋ ورىندارىنىڭ كىتاپحانالارى ارقىلى تاراتىلاتىن بولادى. ءبىراز بولىگى قازاقستانعا جەتكىزىلەدى.
ايتا كەتۋ كەرەك، ايگىلى تۇركىتانۋشى يشتۆان قوڭىر ماندوكيدىڭ 16 مىڭ كىتاپ پەن قۇندى قولجازبالاردان تۇراتىن جەكە قورى حالىقارالىق تۇركى اكادەمياسىنىڭ كىتاپحاناسىنا تابىس ەتىلگەن. سونىمەن قاتار، تۇركى اكادەمياسى ي. ق. ماندوكيگە قاتىستى تاعى بىرنەشە كىتاپتى باسپاعا ازىرلەۋدە.
