ق ر پرەزيدەنتى ن. نازاربايەۆ ب ۇ ۇ ب ا مەرەيتويلىق سەسسياسىندا ءبىرقاتار باستاما كوتەردى - ب ا ق
نازاربايەۆ 2045 - جىلعا دەيىنگى جاھاندىق دامۋ جوسپارىن قۇرۋدى ۇسىندى، دەپ حابارلادى ت ا س س ءوز ماتەريالىندا.
«جاھاندىق ستراتەگيالىق باستامانىڭ 2045 جوسپارىن ازىرلەۋدى ۇسىنامىن. ونىڭ ءمانى - بارلىق ۇلتتاردىڭ الەمدىك ينفراقۇرىلىمعا، رەسۋرستارعا جانە نارىقتارعا قول جەتكىزۋىنىڭ ءادىل شارتتارى نەگىزىندە الەمدىك دامۋدىڭ جاڭا ترەندىن قالىپتاستىرۋ، سونداي- اق ادامزاتتىڭ دامۋى ءۇشىن جالپىعا ورتاق جاۋاپكەرشىلىكتى ورنىقتىرۋ»، - دەگەن ق ر پرەزيدەنتىنىڭ ءسوزىن كەلتىرەدى اگەنتتىك.
ت ا س س اتاپ وتكەندەي، قازاقستان كوشباسشىسى ب ۇ ۇ- نىڭ ەكونوميكالىق جانە الەۋمەتتىك كەڭەسىن جاھاندىق دامۋ كەڭەسىنە اينالدىرۋ كەرەك دەپ سانايدى. «ونىڭ قۇرامىنا بىرىككەن ۇلتتار ۇيىمى باس اسسامبلەياسى سايلاعان مۇشە مەملەكەتتەرمەن قاتار بىرىككەن ۇلتتار ۇيىمىنىڭ مامانداندىرىلعان مەكەمەلەرىنىڭ بارلىق باسشىلارى، سونىڭ ىشىندە حالىقارالىق ۆاليۋتا قورىنىڭ دا باسشىلارى ەنە الار ەدى. كەڭەسكە جاھاندىق ەكونوميكالىق رەتتەۋشىنىڭ مىندەتتەرى جۇكتەلۋگە ءتيىس»، - دەدى ن. نازاربايەۆ.
ق ر پرەزيدەنتىنىڭ سوزدەرىن حالىقارالىق ب ا ق بىرنەشە بولىككە ءبولدى. كوتەرىلگەن باستامالارعا نازار اۋدارىلدى، سونىڭ ىشىندە ۇلتتىق الەمدىك ۆاليۋتانىڭ قۇرىلۋى مەن تەرروريزمگە قارسى كۇرەستىڭ ءبىرىڭعاي الەمدىك جۇيەسىن قۇرۋ، ب ۇ ۇ ق ك سانكسيالارى مەن ايرىقشا قۇزىرەتتەرى دە بار.
«تەرروريزم مەن ءدىني ەكسترەميزمنىڭ قاۋپى جاھاندىق اۋقىمعا جايىلىپ بارادى. بۇۇ قولداۋىمەن حالىقارالىق تەرروريزم مەن ەكسترەميزمگە قارسى تۇرا الاتىن ءبىرىڭعاي الەمدىك جەلى قۇرۋدى ۇسىنامىن»، - دەگەن نۇرسۇلتان نازاربايەۆتىڭ سوزدەرىن كەلتىردى ر ي ا نوۆوستي.
بۇل مىندەتتى جۇزەگە اسىرۋ ءۇشىن ب ۇ ۇ- نىڭ تەرروريزممەن كۇرەس جونىندەگى ماسەلەنىڭ ءبارىن قامتيتىن قۇجاتىن ازىرلەپ، قابىلداۋ قاجەت دەپ ەسەپتەيدى قازاقستاندىق كوشباسشى.
Trend ازەربايجان حالىقارالىق اگەنتتىگى اتاپ وتكەندەي، نۇرسۇلتان نازاربايەۆ ب ۇ ۇ باس اسسامبلەياسىنىڭ 70- سەسسياسىنىڭ جالپى پىكىرسايىسىندا يادرولىق قارۋدان ازات الەمگە قول جەتكىزۋ جونىندەگى جالپىعا ورتاق دەكلاراتسيا قابىلداۋ كەرەكتىگىن اتاپ ءوتتى. ول الماتىدا وتكەن يران يادرولىق باعدارلاماسى بويىنشا كەلىسسوزدەردىڭ ەكى كەزەڭىن، سونىمەن قاتار ەلدە ماگاتە- ءنىڭ حالىقارالىق از بايىتىلعان ۋران بانكىن قۇرۋ جايىن ەسكە سالدى.
سونىمەن قاتار، ر ي ا نوۆوستي ق ر پرەزيدەنتى نۇرسۇلتان نازاربايەۆ الەمدىك ۆاليۋتا ازىرلەۋ باعىتىنداعى ب ۇ ۇ- عا مۇشە ەلدەردىڭ كۇش- جىگەرىن بىرىكتىرۋدى ۇسىنعانىن جازدى.
قازاقستان باسشىسى بۇۇ باس اسسامبلەياسىنىڭ 70- سەسسياسىنىڭ تريبۋناسىنان جاھاندىق داعدارىسپەن كۇرەستى قازىرگى كەزدە زاڭدىلىق، دەموكراتيالىلىق، باسەكەلەستىك، تيىمدىلىك جانە حالىقارالىق باقىلاۋ ۇستانىمدارىنا ساي كەلمەي وتىرعان ەميسسيا مەن الەمنىڭ رەزەرۆتىك ۆاليۋتالارى اينالىمىن رەتتەۋدەن باستاۋ قاجەت ەكەندىگىن اتاپ ءوتتى» .
«21- عاسىردا الەمگە ساپالىق تۇرعىدان جاڭا قارجى قۇرالدارى كەرەك. جاھاندىق ورنىقتى دامۋ مەن ءوسىپ- وركەندەۋدىڭ ماقساتتارى مەن مىندەتتەرىنە ساي كەلەتىن ۇلت ۇستىلىك الەمدىك ۆاليۋتا ازىرلەۋ باعىتىنداعى ب ۇ ۇ- عا مۇشە ەلدەردىڭ كۇش- جىگەرىن بىرىكتىرۋ قاجەت»، - دەدى ن. نازاربايەۆ.
ءسوز سوڭىندا ق ر پرەزيدەنتى ب ۇ ۇ شتاب- پاتەرىن ازياعا كوشىرۋدى ۇسىندى.
INTERFAX. RU جازعانداي، ن. نازاربايەۆ 70 جىل بۇرىن جەنيەۆادا بىرىككەن ۇلتتار ۇيىمى قۇرىلعان كەزدە ونىڭ شتاب- پاتەرىن نيۋ- يوركتە ورنالاستىرۋعا شەشىم قابىلدانعانىن ەسكە سالدى.
«بۇل سول كەزەڭدە حالىقارالىق قاتىناستار بويىنشا باتىس جارتى شارىنىڭ ءرولى ارتقاندىعىنا بايلانىستى بولعان ەدى. الەمدى دامىتۋ ورتالىعى كارى قۇرلىقتان جاڭا قۇرلىققا، ەۋروپادان جاھاندىق ورلەۋدىڭ جاڭا ورنى - ا ق ش- قا، نيۋ- يورككە اۋىستى. سودان بەرى كوپ نارسە وزگەردى، الەم وزگەشە قالىپتاستى»، - دەدى قازاقستان پرەزيدەنتى.
«21 - عاسىردا دامۋ دامۋ ورتالىعى الەمنىڭ ەڭ ۇلكەن قۇرلىعى - عالامشار تۇرعىندارىنىڭ ۇشتەن ەكىسى مەكەندەيتىن، ءىرى رەسۋرستار شوعىرلانعان ازياعا قاراي ويىسۋدا. ازيانىڭ دامىپ كەلە جاتقان ەكونوميكالارىنىڭ قۋاتتى سەرپىنى جاھاندىق ۇدەرىستەردىڭ جاڭا سيپاتىن تانىتتى. وسى ۇدەرىستى ەسكەرە وتىرىپ، مەملەكەتتەردىڭ ءوزارا قارىم- قاتىناسىنا جاڭا سەرپىن بەرۋ ءۇشىن بۇل تاريحي مۇمكىندىكتى پايدالانۋدىڭ ماڭىزى زور. سوندىقتان ب ۇ ۇ شتاب- پاتەرىن ازياعا كوشىرۋ ماسەلەسىن ويلاستىرۋدى ۇسىنامىن»، - دەپ تۇيىندەدى ن. نازاربايەۆ.
