قىتايلىق مۇناي جانە حيميا كورپوراتسياسىنىڭ باسشىسى ازيا ەلدەرىنە ورتاق ەۋرازيالىق مۇناي- گاز نارىعىن قۇرۋدى ۇسىندى
ەسكە سالايىق، فورۋم اياسىنداعى مۇناي- گاز كونفەرەنسياسى «ەۋرازيا وڭىرىندەگى ەنەرگيا قاۋىپسىزدىگى: جاڭا ىنتىماقتاستىق مەحانيزمى» تاقىرىبىندا وتكەن بولاتىن.
«جىبەك جولى» بەلدەۋى اياسىندا مۇناي جانە گاز سالاسىنداعى ىنتىماقتاستىقتى ىلگەرلەتۋ ءۇشىن ورتاق ەۋرازيالىق مۇناي- گاز نارىعىن قۇرۋ تالاپ ەتىلەدى. بۇل اشىق تيپتەگى وڭىرلىك نارىقتى سولتۇستىك شىعىس، وڭتۇستىك شىعىس، شىعىس ازيا سۋبوڭىرلىك نارىقتار ينتەگراتسياسىن قالىپتاستىرۋعا كومەكتەسۋ ارقىلى جانە اقپاراتتىق اشىقتىقتى بىرتىندەپ دامىتۋ ارقىلى جۇزەگە اسىرۋعا بولار ەدى»، - دەيدى قىتاي كورپوراتسياسىنىڭ باسشىسى كونفەرەنسيا بارىسىنداعى سوزىندە.
ونىڭ پايىمىنشا، ورتاق ەۋرازيالىق نارىقتى قۇرۋ وعان قاتىسۋشى مەملەكەتتەردىڭ قورلار مەن زاپاستار بويىنشا اقپارات الماسىپ قانا قويماي، ونى ءتيىمدى ساتۋدى دا قامتاماسىز ەتەر ەدى. سونىمەن قاتار، ۆان يۋي پۋ قازاقستان مەن قىتاي اراسىنداعى مۇنايگاز سالاسىنداعى ىنتىماقتاستىق قارقىندى دامىپ وتىرعانىن جەتكىزدى.
«2014 - جىلدىڭ سوڭىنا تامان قىتايدىڭ مۇناي- گاز كاسىپورىندارى قازاقستاندا 25 بىرلەسكەن جوباعا 30 ميلليارد ا ق ش دوللارىن ينۆەستيتسيالادى. بىزدە مۇناي جانە گاز كەندەرىن بارلاۋ، يگەرۋ، مۇناي قۇبىرلارىن سالۋ، مۇناي ونىمدەرىن وڭدەۋ مەن وتكىزۋ، ينجەنەرلىك- تەحنيكالىق قىزمەتتەر سەكىلدى باعىتتاردى قوسا العاندا تۇتاستاي يندۋستريالىق تىزبەك قالىپتاستى. ەندىگى كەزەكتە مۇناي مەن گاز ونىمدەرىن تاسىمالداۋ ءۇشىن قۋاتتى ترانسپورتتىق ءدالىزدى سالۋ قاجەت»، - دەدى ۆان يۋي پۋ.
اۆتور: قانات مامەتقازى ۇلى
