قازاقستان ەنەرگەتيكا سالاسىن زەرتتەۋدى قىتايمەن بىرلەسە جۇرگىزبەك

ايتا كەتەيىك، فورۋمنىڭ اياسىندا مۇناي-گاز جانە ەنەرگەتيكا نارىعىنىڭ دامۋ كەلەشەگى ءۇشىن بەرىك تۇعىردى قالىپتاستىرۋ ماقساتىندا مەملەكەتتەر، سالانىڭ وكىلدەرى جانە نەگىزگى شەشىمدەردى قابىلدايتىن تۇلعالار اراسىنداعى ىنتىماقتاستىقتى تالقىلاۋلار قاراستىرىلعان.

مەموراندۋمعا قازاقستان تاراپىنان ق ر ۇلتتىق ينجەنەرلىك اكادەمياسىنىڭ پرەزيدەنتى باقىتجان جۇماعۇلوۆ، ال قىتاي تاراپىنان «SINOPEC GROUP»  مۇناي جانە حيميا كورپوراتسياسىنىڭ ءتوراعاسى قىتاي ينجەنەرلىك اكادەمياسىنىڭ اكادەميگى ۆان يۋي پۋ قول قويادى دەپ كۇتىلەدى.

قازاقستان مەن قىتاي اكادەميالارى اراسىنداعى اتالمىش مەموراندۋم بويىنشا ەكى ەلدىڭ ينجەنەرلىك عىلىم جانە تەحنولوگيالار سالاسىنداعى بايلانىستى قالىپتاستىرۋ، ماماندارمەن تاجىريبە الماسۋ جانە وزگە دە باعىتتاردا ىنتىماقتاستىق كوزدەلەدى. سونىمەن قاتار، قازاقستان مەن قىتايدىڭ ينجەنەرلىك اكادەميالارى ەنەرگەتيكا جانە قورشاعان ورتا سالاسىندا بىرلەسكەن زەرتتەۋلەر جۇرگىزۋگە نيەتتەنەدى.

بۇدان بولەك، ستراتەگيالىق عىلىم مەن تەحنولوگيالىق ساياسات بويىنشا فورۋمدار جانە جىبەك جولىنىڭ ەكونوميكالىق بەلدەۋىن دامىتۋ، اۋىل شارۋاشىلىعى، مال شارۋاشىلىعى، كولىكتىك جۇيەلەر، اقپاراتتىق تەحنولوگيالار جانە كوممۋنيكاتسيالار، ينجەنەرلىك ءبىلىم بەرۋ جانە باسقا دا ماڭىزدى قوعامدىق ماسەلەلەر بويىنشا بىرلەسىپ وڭىرلىك جانە حالىقارالىق كونفەرەنتسيالار وتكىزۋ ماسەلەلەرىن قاراستىراتىن بولادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى