الماتى وبلىسىنىڭ اكىمى قۇرىلىس مەكەمەلەرىنە ءبىرقاتار سىن- ەسكەرتپەلەر ايتتى
بۇل تۋرالى الماتى وبلىسى اكىمىنىڭ باسپا ءسوز قىزمەتىنەن حابارلادى.
ءبىرىنشى كەزەكتە قاراتال وزەنىنىڭ بويى مەن تالدىقورعان قالاسىنىڭ الماتى- وسكەمەن اينالما جولى ارالىعىن اباتتاندىرۋ جۇمىستارى جوباسىمەن تانىسقان وبلىس باسشىسى جوبانىڭ مەردىگەرى «تاس» كورپوراتسياسى» جشس جۇمىستاردىڭ سىلبىر جۇرگىزىلىپ جاتقاندىعىن ەسكەرتىپ، ونى جەدەلدەتۋدى تاپسىردى.
وبلىس اكىمى كەلەسى كەزەكتە قاراتال وزەنىنىڭ جاعالاۋىنداعى قۇرىلىس الاڭىمەن تانىستى. بۇل جەردە ءوڭىر باسشىسى قۇرىلىس جۇمىستارى كەزىندە ساپاسى تومەن قۇرىلىس ماتەريالدارى پايدالانىلىپ جاتقاندىعىن، ونى تەز ارادا ساپاسى جوعارى ماتەريالدارمەن اۋىستىرۋ قاجەتتىگىن اتاپ ءوتتى. بۇل ەسكەرتۋلەر ءبىرىنشى كەزەكتە ورناتىلىپ جاتقان جول بورديۋرلەرىنە قاتىستى.
وسى شاعىن اۋدانداعى تاعى ءبىر قۇرىلىس نىساندارىنىڭ ءبىرى - سكۆەردى اباتتاندىرۋ جۇمىستارى. «الاكام» ج ش س جۇرگىزىپ جاتقان قۇرىلىس جۇمىستارىنىڭ كەمشىلىكتەرىن، ونىڭ ىشىندە جاياۋ جۇرگىنشى جولىنىڭ قوس بەتىندەگى بورديۋر پليتكالارى مەن ولاردى ورناتۋ كەزىندە سەمەنت قاتىرماسى ساپاسىنىڭ كوڭىل كونشىتپەيتىندىگىن ەسكەرتكەن وبلىس اكىمى ءوز سوزىندە:
«بۇل اتقارىلىپ جاتقان جۇمىستاردىڭ بارلىعى قالا تۇرعىندارىنىڭ يگىلىگى ءۇشىن. بيۋدجەتتەن ءتيىستى قاراجات بولىنگەندىكتەن، اتالمىش نىسان ونداعان جىلدار بويىنا قالا تۇرعىندارى ءۇشىن قىزمەت ەتۋى ءتيىس. سوندىقتان ءبىرىنشى كەزەكتە ونىڭ ساپاسىنا كوڭىل بولۋگە ءتيىسپىز. مەردىگەر قۇرىلىس مەكەمەسىنە وسى ايتىلعان ەسكەرتپەلەر مەن ولقىلىقتاردى تەز ارادا تۇزەتىپ، قالپىنا كەلتىرۋدى تاپسىرامىن» ، - دەپ اتاپ ءوتتى.
تاۋەلسىزدىك كوشەسىنىڭ قوس بەتىنىڭ ەڭىس تۇستارىنا بەتونداردىڭ ءبىر مەرزىمدە قۇيىلماۋىنا بايلانىستى جانە ءتۇرلى سەمەنت پايدالانىلۋىنان ءبىر قاراعاندا بىرتەكتىلىك بايقامالمايدى. بۇل قۇرىلىس ەرەجەلەرى تالاپتارىنىڭ ساقتالماعان تۇستارىن دا تەز ارادا قالپىنا كەلتىرۋ قاجەتتىلىگىن اتاپ كورسەتتى.
وبلىس اكىمىنىڭ نازارىنان قالانىڭ ورتالىعىنداعى ساۋدا ۇيلەرىنىڭ ماڭىندا ورناتىلعان ساۋدا دۇڭگىرشەكتەرى مەن رەتسىز سالىنعان جەدەل تاعامدانۋ ورىندارى دا تىس قالمادى. ءوڭىر باسشىسى جابايى ساۋدا مەن دۇڭگىرشىكتەرگە، ونداعى ورىنسىز جابىستىرىلعان جارنامالارعا، كوشەلەر مەن ارىق جۇيەلەرىنىڭ، قوقىس جاشىكتەرىنىڭ قوقىسقا تولىپ كەتكەندىگىنە كوڭىلىنىڭ تولمايتىندىعىن، وسى اتالعاننىڭ بارلىعى قالانىڭ جالپى ساۋلەت كوركىن بۇزاتىندىعىن ەسكەرتتى.
كەلەسى كەزەكتە ءوڭىر باسشىسى تالدىقورعان - الماتى تاس جولىنىڭ بويىندا جۇرگىزىلىپ جاتقان كۇردەلى جوندەۋ جۇمىستارىنىڭ جايىمەن تانىستى.
جۇمىس ساپارىن قورىتا كەلە وبلىس اكىمى اماندىق باتالوۆ تەز ارادا ايتىلعان سىن- ەسكەرتپەلەردى قالپىنا كەلتىرىپ، جۇرگىزىلىپ جاتقان جۇمىستاردىڭ ساپاسى مەن قارقىنىن ۇدەتۋ كەرەكتىگىن، ال ونىڭ ءتيىستى دەڭگەيدە اتقارىلۋىن قاتاڭ باقىلاۋدا ۇستاۋدى وبلىستىق ساۋلەت جانە قالاقۇرىلىسى باسقارماسى، مەملەكەتتىك ساۋلەت- قۇرىلىس باقىلاۋ مەكەمەسى جانە قالانىڭ وزگە دە قۇزىرلى مەكەمەلەرى مەن ۇيىمدارى باسشىلارىنا تاپسىردى. وبلىس باسشىسى اماندىق باتالوۆ جۇمىس ساپارىنىڭ سوڭىندا:
«تالدىقورعان قالاسى ءوزىنىڭ تازالىعىمەن، ەكولوگياسىمەن جانە جاسىل جەلەگىمەن تانىمال. سول سەبەپتى جاسىل جەلەكتەردى ساقتاۋ جانە ونى ارتتىرۋعا، سونداي- اق سانيتارلىق تازالىق تالاپتارىنىڭ ساقتالۋىنا ەرەكشە ءمان بەرۋ قاجەت. تازالىققا تەك قانا قالالىق كوممۋنالدىق قىزمەتتەر عانا ەمەس، سونىمەن قاتار قالا تۇرعىندارى دا ورتاق قالامىزدىڭ تازا، كورىكتى، جايلى ءارى ادەمى بولۋىنا بىرلەسە ات سالىسۋلارى ءتيىس. بىرلەسىپ ىستەگەن ءىس ناتيجەلى بولماق» ، - دەپ ءسوزىن قورىتتى.
