الماتىنىڭ سپورت مەكتەبىندە كوكپار ءبولىمى اشىلدى

بۇل تۋرالى ق ر ۇلتتىق سپورت تۇرلەرى قاۋىمداستىعىنىڭ باسپا ءسوز قىزمەتىنەن حابارلادى.

مەكتەپ ديرەكتورى امانجول قازىمبەتوۆ كوكپار ءبولىمىنىڭ ناتيجەلى جۇمىس ىستەۋىنە قاجەتتى بارلىق جاعدايدى تۋدىرىپ وتىر. مەكتەپتىڭ ىشىنەن جاتتىعۋ جاسايتىن، جاتاتىن ورىن ءبولدى. ات قۇلاعىندا وينايتىن، كوكپارعا يكەمى بار العاشقى سەگىز بالانى بولىمگە قابىلدادى.

الداعى ۋاقىتتا 17№ جاسوپىرىمدەر مەكتەبىنىڭ كوكپار ءبولىمى الماتى قالاسىنداعى ب. مومىش ۇلى اتىنداعى اسكەري مەكتەپتىڭ ورەندەرىمەن تولىقتىرىلىپ وتىرىلاتىن بولادى. ول تۋرالى ەكى مەكتەپ اراسىندا مەموراندۋمعا قول قويىلدى.

17№ مەكتەپتىڭ كوكپار ءبولىمىن اتپەن، ەر-توقىم، ارنايى كيىم، اتتاردىڭ جەم-شوبىمەن «كوكپار فەدەراتسياسىنىڭ» الماتى قالالىق فيليالىنىڭ ديرەكتورى، مەتسەنات دانيار داۋكەي قامتاماسىز ەتۋدە.

بۇل ءبولىمدى اشۋعا الماتى قالالىق سپورت جانە دەنە شىنىقتىرۋ ىستەرى باسقارماسى، تۋريزم جانە سپورت اكادەمياسىنىڭ باسشىسى قايرات زاكريانوۆ، جانە ەكى مەكتەپ باسشىلارى امانجول قازىمبەت پەن جارلەپەسوۆ ءسابيت كوپ ەڭبەك ءسىڭىردى. جاڭا قۇرىلعان توپ «ب. مومىش ۇلى اتىنداعى كوكپار كومانداسى» دەپ اتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى