ب ۇ ۇ- نىڭ قولداۋىمەن حالىقارالىق تەرروريزم مەن ەكسترەميزمگە قارسى تۇرا الاتىن ءبىرىڭعاي الەمدىك جەلى قۇرۋ قاجەت - ن. نازاربايەۆ
بۇگىن ب ۇ ۇ باس اسسامبلەياسى 70- مەرەيتويلىق سەسسياسىنىڭ جالپى پىكىرتالاسىندا ءسوز سويلەگەن ەلباسى نۇرسۇلتان نازاربايەۆ وسىنداي ۇسىنىس جاسادى.
«تەرروريزم مەن ءدىني ەكسترەميزمنىڭ قاۋپى جاھاندىق اۋقىمعا جايىلىپ بارادى. بىرىككەن ۇلتتار ۇيىمىنىڭ قولداۋىمەن حالىقارالىق تەرروريزم مەن ەكسترەميزمگە قارسى تۇرا الاتىن ءبىرىڭعاي الەمدىك جەلى قۇرۋدى ۇسىنامىن»، - دەدى ەلباسى.
قازاقستان كوشباسشىسى بۇل مىندەتتى جۇزەگە اسىرۋ ءۇشىن بىرىككەن ۇلتتار ۇيىمى تەرروريزممەن كۇرەس جونىندەگى ماسەلەنىڭ ءبارىن قامتيتىن قۇجاتىن ازىرلەپ، قابىلداۋ قاجەتتىگىن ايرىقشا اتاپ ءوتتى.
