ق ر پرەزيدەنتى بىرىككەن ۇلتتار ۇيىمىنىڭ شتاب-پاتەرىن ازياعا كوشىرۋ ماسەلەسىن ويلاستىرۋدى ۇسىندى

بۇگىن ب ۇ ۇ باس اسسامبلەياسى 70- مەرەيتويلىق سەسسياسىنىڭ جالپى پىكىرتالاسىندا ءسوز سويلەگەن ەلباسى نۇرسۇلتان نازاربايەۆ وسىنداي ۇسىنىس جاسادى.

«70 -جىل بۇرىن جەنيەۆادا، جۇمىس ىستەۋدەن قالعان ۇلتتار ليگاسىنىڭ ورنىنا بىرىككەن ۇلتتار ۇيىمى قۇرىلعان كەزدە ونىڭ شتاب-پاتەرىن نيۋ-يوركتە ورنالاستىرۋعا شەشىم قابىلداندى.

بۇل سول كەزەڭدە حالىقارالىق قاتىناستار بويىنشا باتىس جارتى شارىنىڭ ءرولى ارتقاندىعىنا بايلانىستى بولعان ەدى. الەمدى دامىتۋ ورتالىعى كارى قۇرلىقتان جاڭا قۇرلىققا، ەۋروپادان جاھاندىق ورلەۋدىڭ جاڭا ورنى - ا ق ش- قا، نيۋ-يورككە اۋىستى. سودان بەرى كوپ نارسە وزگەردى، الەم وزگەشە قالىپتاستى»، - دەدى قازاقستان كوشباسشىسى.

سونىمەن قاتار ەلباسى ХХІ  عاسىردا دامۋ ورتالىعى الەمنىڭ ەڭ ۇلكەن قۇرلىعى- عالامشار تۇرعىندارىنىڭ ۇشتەن ەكىسى مەكەندەيتىن، ءىرى رەسۋرستار شوعىرلانعان ازياعا قاراي ويىساتىندىعىن باسا ايتتى.

«ازيانىڭ دامىپ كەلە جاتقان ەكونوميكالارىنىڭ قۋاتتى سەرپىنى جاھاندىق ۇدەرىستەردىڭ جاڭا سيپاتىن تانىتىپ وتىر. وسى ۇدەرىستى ەسكەرە وتىرىپ، مەملەكەتتەردىڭ ءوزارا قارىم-قاتىناسىنا جاڭا سەرپىن بەرۋ ءۇشىن بۇل تاريحي مۇمكىندىكتى پايدالانۋدىڭ ماڭىزى زور. بىرىككەن ۇلتتار ۇيىمىنىڭ شتاب-پاتەرىن ازياعا كوشىرۋ ماسەلەسىن ويلاستىرۋدى ۇسىنامىن. قازاقستاننىڭ باستامالارىن ۇلتتار قاۋىمداستىعى قابىلدايدى دەپ ۇمىتتەنەمىن»، - دەدى ن. نازاربايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى