قازاقستان مەن پولشا كوشباسشىلارى ساۋدا-ەكونوميكالىق سالاداعى ىنتىماقتاستىق پەرسپەكتيۆالارىن قارادى

كەزدەسۋدە ساۋدا-ەكونوميكا جانە ينۆەستيتسيا سالاسىنداعى ەكىجاقتى ىنتىماقتاستىقتىڭ احۋالى مەن پەرسپەكتيۆالارى تالقىلاندى.

سونداي-اق مەملەكەتتەر باسشىلارى كۇن تارتىبىندەگى اسا وزەكتى حالىقارالىق ماسەلەلەر جونىندە پىكىر الىستى.

نۇرسۇلتان نازاربايەۆ ا. دۋدانى سايلاۋداعى جەڭىسىمەن جانە پولشا پرەزيدەنتى لاۋازىمىنا تاعايىندالۋىمەن قۇتتىقتادى.

ەلباسى پولشا پرەزيدەنتى ءوز قىزمەتىندە ەكىجاقتى، اسىرەسە ساۋدا-ەكونوميكا سالاسىنداعى قارىم-قاتىناستاردى ودان ءارى دامىتۋدى جالعاستىرادى دەپ ۇمىتتەنەتىنىن جەتكىزدى.

«قازىردىڭ وزىندە قازاقستاندا پولياك كاپيتالىنىڭ قاتىسۋىمەن 90 عا جۋىق كاسىپورىن جۇمىس ىستەيدى. ولار ءتۇرلى سالالاردى، سونىڭ ىشىندە فارماتسيەۆتيكا، وڭدەۋشى جانە اۋىل شارۋاشىلىعى سالالارىن قامتيدى»، - دەدى مەملەكەت باسشىسى.

قازاقستان پرەزيدەنتى ءبىزدىڭ ەلىمىز يندۋستريالاندىرۋ باعدارلاماسىن جانە ينفراقۇرىلىمدىق دامۋدى جۇزەگە اسىرىپ جاتقانىن ايتتى.

«ءبىزدىڭ ەلىمىزدە ينۆەستورلار ءۇشىن ەرەكشە ارتىقشىلىقتار جاسالعان. پولياك كومپانيالارىن ەلىمىزدە ىنتىماقتاستىق ورناتۋعا شاقىرامىن»، - دەدى نۇرسۇلتان نازاربايەۆ.

ا. دۋدا كەزدەسۋ ءۇشىن العىس ايتتى جانە ءوزارا ءتيىمدى ىنتىماقتاستىقتى دامىتۋعا قاجەتتى پەرسپەكتيۆالى باعىتتار بار ەكەنىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى