بىرىككەن ۇلتتار ۇيىمىنىڭ ەكونوميكالىق جانە الەۋمەتتىك كەڭەسىن جاھاندىق دامۋ كەڭەسىنە اينالدىرۋدى ۇسىنامىن - ن.نازاربايەۆ
بۇگىن ب ۇ ۇ باس اسسامبلەياسى 70- مەرەيتويلىق سەسسياسىنىڭ جالپى پىكىرتالاسىندا ءسوز سويلەگەن ەلباسى نۇرسۇلتان نازاربايەۆ وسىلاي دەدى.
«مەن بىرىككەن ۇلتتار ۇيىمىنىڭ ەكونوميكالىق جانە الەۋمەتتىك كەڭەسىن جاھاندىق دامۋ كەڭەسىنە اينالدىرۋدى ۇسىنامىن. ونىڭ قۇرامىنا بىرىككەن ۇلتتار ۇيىمى باس اسسامبلەياسى سايلاعان مۇشە مەملەكەتتەرمەن قاتار بىرىككەن ۇلتتار ۇيىمىنىڭ مامانداندىرىلعان مەكەمەلەرىنىڭ بارلىق باسشىلارى، سونىڭ ىشىندە حالىقارالىق ۆاليۋتا قورىنىڭ دا باسشىلارى ەنە الار ەدى»، - دەدى ق ر پرەزيدەنتى.
ەلباسىنىڭ پايىمىنشا، كەڭەسكە جاھاندىق ەكونوميكالىق رەتتەۋشىنىڭ مىندەتتەرى جۇكتەلۋگە ءتيىس. كەڭەس جۇزەگە اسىراتىن بۇكىلالەمدىك جوبالار جاھاندىق يەكونوميكالىق ءوسىم نۇكتەلەرىنە اينالا الادى. «بۇل جاھاندىق داعدارىستار قاتەرىن ايتارلىقتاي ازايتۋعا، سونداي-اق مەملەكەتتەردىڭ ۇلتتىق يەكونوميكا جانە الەۋمەتتىك ساياسات ماسەلەلەرىندەگى جاۋاپكەرشىلىگىن كۇشەيتۋگە سەپتىگىن تيگىزەدى»، - دەدى ن.نازاربايەۆ.
اۆتور: مارلان جيەمباي
