اۋىل اكىمدەرىنىڭ دەربەس بيۋدجەتى بولادى - ق. وسكەنبايەۆ

ەسكە سالايىق، كوميتەتتە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنداعى جەرگىلىكتى ءوزىن- ءوزى باسقارۋدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانعان بولاتىن.

«زاڭ جوباسى ارقىلى جەرگىلىكتى ءوزىن- ءوزى باسقارۋ ورگاندارىنىڭ قارجىلىق دەربەستىگى كەڭەيتىلەدى. بۇل ماقساتتا جەرگىلىكتى ءوزىن- ءوزى باسقارۋ ورگاندارىنا قوسىمشا ەكى سالىقتى بەرۋ ارقىلى قولما- قول اقشانى باقىلاۋ شوتىن كەڭەيتۋ شارالارى قاراستىرىلماق»، - دەيدى ۆيتسە- مينيستر.

ونىڭ ايتۋىنشا، بيىل جەرگىلىكتى باسقارۋعا ءتورت سالىق بەرىلگەن. ەندىگى كۇنى بۇعان قوسىمشا تاعى ەكى سالىق جەرگىلىكتى ءوزىن- ءوزى باسقارۋعا بەرىلمەك. «ءبىز التى سالىقتىڭ ءتۇرىن اۋىلدارعا بەرىپ وتىرمىز، ول 30 ميلليارد تەڭگەگە جۋىق قاراجاتتى اۋىلدارعا تۇسەتىنىن بىلدىرەدى. ارينە، بۇنىمەن شەكتەلمەيمىز. جىل سايىن وسىلاي بىرتىندەپ بەرىلەدى. تۇتاستاي العاندا، زاڭ جوباسىنىڭ تالابىنا سايكەس، 2018 - جىلدان باستاپ اۋىلدارعا ءوز بيۋدجەتتەرى بەرىلەدى. ال 2020 - جىلدان باستاپ وكىلەتتى ورگانداردىڭ جينالىسىن كۇشەيتۋ كوزدەلەدى»، - دەدى ق. وسكەنبايەۆ.  

ەكىنشىدەن، جەرگىلىكتى ءوزىن- ءوزى باسقارۋدىڭ ەكونوميكالىق دەربەستىگىن كەڭەيتۋ ماقساتىندا زاڭ جوباسىمەن جەرگىلىكتى ءوزىن- ءوزى باسقارۋ ورگاندارىنىڭ قولما- قول اقشانى باقىلاۋ شوتتارىن كوممۋنالدىق باسقارۋ پروتسەستەرىنە تارتۋ كوزدەلەدى. بۇدان باسقا جەرگىلىكتى اۋىل اكىمدەرىنە جەكە تۇلعالاردىڭ اۋماعىنداعى جەر ۋچاسكەسىن ماقساتسىز پايدالانۋعا جانە زاڭسىز الۋعا جول بەرمەۋىن باقىلاۋ ءۇشىن قۇزىرەتتەر بەرىلەدى. ۆيتسە- ءمينيستردىڭ سوزىنە قاراعاندا، اۋىل اكىمدەرىنە جەرگىلىكتى بيۋدجەتتى بەرۋمەن قاتار، بيۋدجەتتى قالىپتاستىرۋ پروتسەسىنە جەرگىلىكتى قوعامدى تارتۋ شارالارى دا كەڭەيە تۇسەدى.

اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى