قازاقستان مەن قىتايدىڭ بيزنەسمەندەرى ۆيزالىق راسىمدەردى جەڭىلدەتۋگە شاقىردى
«قازاقستان مەن قىتايدىڭ ساۋدا- ەكونوميكالىق ىنتىماقتاستىعىنىڭ ساپاسىن جاقسارتۋ بيزنەسمەندەر اراسىنداعى تىعىز قارىم- قاتىناستى دامىتۋمەن تىكەلەي بايلانىستى.
قازىرگى كەزدە ەكى ەلدىڭ كاسىپكەرلىك ىنتىماقتاستىعىندا ءالى دە ەڭبەك رۇقساتنامالارى، ۆيزانىڭ قاجەتتىلىگى مەن تۇرعىلىقتى جەرگە بەرىلەتىن رۇقسات قۇجاتى سەكىلدى ماسەلەلەردە كەدەرگىلەر بار»، - دەپ توقتالدى بۇگىن استاناداعى قازاقستان- قىتاي ينۆەستيتسيالىق فورۋمىندا ق ح ر حالىقارالىق ساۋدانى دامىتۋ كوميتەتى ءتوراعاسىنىڭ ورىنباسارى لۋ پەنچا.
وسى ورايدا لۋ پەنچا ساپارلاردىڭ ءراسىمىن جەڭىلدەتۋ ارقىلى وپەراتسيالىق شىعىنداردى تومەندەتۋدە وڭتايلى ناتيجەنى بايقاۋعا بولاتىندىعىن، ساۋدا- ەكونوميكالىق ينۆەستيتسيالار تۇرعىسىندا مىندەتتەردى جەڭىلدەتۋگە قولداۋ جاسالاتىندىعىن جانە وڭىردە ەكونوميكالىق ينتەگراتسيا دارەجەسىن ارتتىراتىنىن اتاپ ءوتتى.
« بۇگىندە ەكى مەملەكەتتىڭ دە ۇكىمەتتەرى وسى پروبلەماعا نازار اۋدارىپ وتىر. قازىردە قازاقستان تاراپى ينۆەستورلىق جانە بيزنەس ۆيزالارعا بايلانىستى ءتيىستى جەڭىلدىكتەردى قاراستىرۋدا. مەنىڭ ويىمشا، جاقىن ارادا ەلدەردىڭ اراسىندا ساپارلاۋ ىڭعايلىلاۋ بولادى، ال ەڭبەكتى ۇيىمداستىرۋدىڭ تيىمدىلىگى ارتا ءتۇسىپ، كوممۋنيكاتسيالاردى كەڭەيتۋ ءۇشىن جاقسى جاعدايلار قۇرىلىپ، ەكى مەملەكەتتىڭ ساۋدا- ونەركاسىپتىك توپتارىنىڭ ىسكەرلىك ىنتىماقتاستىعى نىعايا تۇسەدى»، - دەدى ول.
اۆتور: رۋسلان عابباسوۆ
