قازاقستانداعى جوعارى وقۋ ورىندارىندا شەتەلدىك ستۋدەنتتەرگە ساباقتى اعىلشىن تىلىندە دە جۇرگىزۋ ۇسىنىلدى - س. ومىربايەۆ
بۇل تۋرالى بۇگىن الماتىدا ءال- فارابي اتىنداعى قازاق ۇلتتىق ۋنيۆەرسيتەتىنىڭ عىلىمي كىتاپحاناسىندا
«ەۋروپالىق وداق پەن قازاقستان رەسپۋبليكاسى اراسىنداعى جوعارى ءبىلىم سالاسىنداعى ىنتىماقتاستىق» اتتى حالىقارالىق عىلىمي كونفەرەنتسيا بارىسىندا «قازاقپارات» تىلشىسىنە بەرگەن سۇحباتىندا ق ر ءبىلىم جانە عىلىم مينيسترلىگى ج و و جانە ج و و- دان كەيىنگى ءبىلىم بەرۋ دەپارتامەنتى ديرەكتورىنىڭ مىندەتىن اتقارۋشى سەرىك ومىربايەۆ مالىمدەدى.
«قازاقستان بولون ۇدەرىسىنە قوسىلعالى بەرى وتاندىق جوعارى ءبىلىم بەرۋ جۇيەسىن ينتەرناتسيونالاندىرۋ، ياعني قازاقستان مەن ەۋروپالىق وداق ەلدەرى ۋنيۆەرسيتەتتەرى اراسىندا ىنتىماقتاستىقتى تەرەڭدەۋ جۇمىستارى قارقىندى جۇرگىزىلىپ جاتىر. بۇگىنگى تاڭدا وسى باعىتتا وتاندىق جانە شەت ەلدىك ۋنيۆەرسيتەتتەر اراسىندا 400 دەن استام بىرلەسكەن ءبىلىم بەرۋ باعدارلامالارى جۇزەگە اسىرىلۋ ۇستىندە. ودان باسقا، وتاندىق ستۋدەنتتەردىڭ ۇتقىرلىعى ارتا تۇسكەن.
مىسالى، 2014 - جىلى ۋنيۆەرسيتەتتەرىمىزدىڭ ستۋدەنتتەرى شەت ەلدىك جوعارى وقۋ ورىندارىندا 7 مىڭنان استام ءبىلىم بەرۋ كرەديتىن يگەردى. ياعني، بۇل ءبىلىمدى يمپورتتاۋ دەگەن ءسوز. سونىمەن قاتار، ءبىلىمدى ەكسپورتتاۋ دا ويداعىداي جۇزەگە اسىپ جاتىر. بۇگىنگى تاڭدا، قازاقستاننىڭ جوعارى وقۋ ورىندارىندا 9 مىڭنان استام شەتەلدىك ستۋدەنت ءبىلىم الادى. قازىر ءبىز شەت ەلدىك ستۋدەنتتەردى قازاقستانعا كوبىرەك تارتۋ ءۇشىن، وتاندىق جوعارى وقۋ ورىندارىنا دارىستەردى، ياعني ءبىلىم بەرۋ ۇدەرىستەرىن اعىلشىن تىلىندە دە جۇرگىزۋدى ۇسىنىپ جاتىرمىز»، - دەدى س. ومىربايەۆ.
اۆتور: جاپپاربەرگەن ايبوتا
