جاڭا وتاندىق «ءبىزدىڭ اعاي» تەلەحيكاياسىنىڭ تۇساۋى كەسىلەدى -فوتو

بۇل قىزىقتى وقيعا زاماناۋي ءومىردى بەينەلەيدى. وقيعا جامبىل وبلىسىنىڭ شۋ اۋدانىندا وتەدى. باس كەيىپكەرلەر - جومارت اعانىڭ وتباسى جانە اۋىلداستارى. جومارت ۇزاق جىلدار اۋىلدىق مەكتەپتە تاريح ءپانىنىڭ ءمۇعالىمى بولعان. ءومىر بويى سۇيىكتى قىزمەتىمەن اينالىسقان اقساقال زەينەتكەرلىككە شىعادى. مۇنداي ادام ۇيدە تىنىش وتىرا المايتىنى بەلگىلى. اياق استىنان اۋىلداستارىنىڭ اقىلشىسىنا اينالعانىن جومارت اعانىڭ ءوزى دە بايقاماي قالادى.. .

سونىمەن قاتار، بۇل حيكايا ادام جۇرەگىندە تۋعان جەر مەن ەلدىڭ ەرەكشە ورىن الاتىنىن باياندايدى.

حيكايانىڭ تاعى ءبىر كەيىپكەرى - ەلامان (ەدۋارد) . ول وسىدان بىرنەشە جىل بۇرىن تاريحي وتانى المانياعا قونىس اۋدارعان، قازاق ەلىنە قوناققا ءجيى كەلىپ تۇرادى. تۋعان ولكەگە دەگەن ساعىنىشى تىنىش تاپتىرمايدى. شەتەلدىك كۋرورتتىق جەرلەردەن ابدەن جالىعادى. اۋىل ادامدارى مەن اۋىلداعى شاعىن عانا ءۇيى - جانعا جايلى، ىستىق مەكەنىن اڭسايدى.. .

تۋىندىنىڭ رەجيسسەرى - مۇرات بيدوسوۆ. رەجيسسەر «اپكە» ، «اگەنت Z» جانە ت. ب. تەلەحيكايالارىمەن تانىمال.

تۋىندى ءازىل- وسپاققا نەگىزدەلسە دە، وتانسۇيگىشتىك، ۇلكەندەرگە دەگەن قۇرمەت، وتانعا، وتباسىعا دەگەن ماحاببات تاقىرىپتارى كەڭىنەن ناسيحاتتالادى. حيكايا بارىسىندا وتاندىق ءوندىرىس ءونىمى جانە زاماناۋي تەحنولوگيا جەتىستىكتەرى كورسەتىلەدى.

 «ءبىزدىڭ اعاي» تەلەحيكاياسى 12 - قازاننان باستاپ جۇمىس كۇندەرى ساعات 21.00 دە كورسەتىلەدى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى