پۋتين: بۇرىنعى ك س ر و ەلدەرىندە داۋلاردى رەۆوليۋتسيا ارقىلى شەشۋگە بولمايدى

بۇل تۋرالى rian.ru-عا سىلتەمە جاساپ NUR. KZ حابارلايدى.

«مەنىڭ پىكىرىمشە، بىزگە مۇلدەم ىستەۋگە بولمايتىن ارەكەتتەر قانداي؟ ماسەلەلەردى، ونىڭ ىشىندە داۋلى، ىشكى ساياسي ماسەلەلەردى بۇرىنعى ك س ر و ەلدەرىندە «ءتۇرلى-ءتۇستى» رەۆوليۋتسيالار، توڭكەرىستەر، بيلىكتى تاقتان تايدىرۋدىڭ كونستيتۋتسياعا قايشى كەلەتىن ادىستەرىمەن شەشۋگە بولمايدى. مۇنداي ارەكەت مۇلدەم بولماۋى ءتيىس»، - دەيدى پۋتين امەريكالىق جۋرناليست چارلي روۋزعا CBS پەن PBS ارنالارى ءۇشىن بەرگەن سۇحباتىندا.

سۇحبات ب ۇ ۇ باس اسسامبەلياسىنىڭ 70- سەسسياسى باستالار الدىندا بەرىلدى.

پۋتين ۋكراينانىڭ رەسەيگە ەڭ جاقىن مەملەكەتتەردىڭ ءبىرى ەكەنىن ەسكە سالدى.

«ءبىز ءبارىمىز ۋكراينانىڭ باۋىرلاس مەملەكەت ەكەنىن ايتتىق. سولاي ەكەنى راس. بۇل جاي عانا سلاۆيان حالقى ەمەس، بۇل ورىستارعا ەڭ جاقىن حالىق: ءتىلىمىز ۇقسايدى، مادەنيەت، ورتاق تاريح، ورتاق ءدىن تاعىسىن تاعىلار»، - دەيدى ول.

بۇدان بولەك رەسەي پرەزيدەنتى ۆلاديمير پۋتين ۋكراينا پرەزيدەنتى ۆيكتور يانۋكوۆيچتى بيلىكتەن كەتىرۋدە ا ق ش- تىڭ ءرولى بولعانىن ناقتى بىلەتىنىن مالىمدەدى.

«ا ق ش- تاعى ءبىزدىڭ سەرىكتەستەرىمىز يانۋكوۆيچكە قارسى شىققانداردى قولداعانىن جاسىرعان ەمەس»، - دەدى پرەزيدەنت سۇحبات بارىسىندا.

جۋرناليستىڭ «ۆيكتور يانۋكوۆيچتى بيلىكتەن كەتىرۋگە ا ق ش- تىڭ قاتىسى بار دەپ سانايسىز با» دەگەن ساۋالىنا پۋتين «مەن مۇنى ناقتى بىلەمىن» دەپ جاۋاپ قايتارعان. پۋتين رەسەيدىڭ ۋكراينادا تۇراتىنداردىڭ اراسىندا مىڭداعان بايلانىستارى بارىن العا تارتتى.

«ءبىز كىم، قايدا، قاشان يانۋكوۆيچتى بيلىكتەن كەتىرۋ ءۇشىن كەزدەسكەنىن، قالاي قولداۋ كورسەتكەنىن، قانشا تولەگەنىن، قالاي دايىندالعاندارىن، قاي ەلدە، قاي ايماقتا بولعاندارىن، نۇسقاۋشىلارى كىم ەكەنىن دە جاقسى بىلەمىز. ءبىز بارىنەن حاباردارمىز. نەگىزىنەن ءبىزدىڭ امەريكالىق سەرىكتەستەر مۇنى جاسىرمايتىن دا بولعان»، - دەيدى پۋتين.

رەسەي پرەزيدەنتى سۇحبات بارىسىندا سيرياعا رەسەيلىكتەردىڭ ارالاسۋى ماسەلەسىن دە ايتىپ بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى