الەم بويىنشا تۇرمەدە قانشا نازىكجاندى جازاسىن وتەپ جاتىر؟
اتالمىش باياندامادا سوڭعى 15 جىلدىڭ ىشىندە تۇرمەدەگى ايەلدەر مەن بويجەتكەندەردىڭ قاراسى 50 پايىزعا ارتىپ كەتكەنى دە ايتىلعان. ءىستى بولىپ، اباقتىعا جابىلعان جاۋلىقتىلاردىڭ دەنى ا ق ش- تا، رەسەي دە جانە قىتايدا.
اتالعان ءۇش ەلدىڭ تۇرمەسىندە بۇكىل الەم بويىنشا جازاسىن وتەپ جاتقان جاۋلىقتىلاردىڭ جارتىسى جاتىر. ءبىر عانا رەسەي فەدەراتسياسىنىڭ وزىندە 53304 ايەل مەن بويجەتكەن تۇرمەنىڭ بوتقاسىن قاناعات ەتۋگە ءماجبۇر بولىپ وتىر. ءبىز ءسوز ەتكەن ينستيتۋت جەتەكشىلەرىنىڭ ءبىرى دجەسسيكا دجەكوبسون ايەل جۇراعاتىن قوعامنىڭ ەڭ قورعانسىز توبىنا جاتقىزىپ، قىلمىستىق ىستەردىڭ قۇربانى بولىپ جاتقانىنا الاڭداۋشىلىق ءبىلدىردى.
زەرتتەۋ اۆتورلارىنىڭ ايتۋىنشا، تۇرمەدە جاتقان جاۋلىقتىلار قاراسىنىڭ بۇدان دا كوپ بولۋى مۇمكىن ەكەنىن جوققا شىعارمايدى. ويتكەنى، كەي ەلدەر وسى ماسەلەگە قاتىستى اقپارات بەرۋدەن باس تارتقان. ناقتى قاي ەلدەر ەكەنى ايتىلماعان.
يسلام. ك ز
