نيۋ-يوركتەگى الەمدىك جيىنعا كەلگەن يران پرەزيدەنتى تەگەرانعا شۇعىل قايتىپ كەتتى

حاسان روۋحانيدىڭ تەگەرانعا شۇعىل قايتۋىنا مينا جازىعىنداعى جاعداي سەبەپ.

قاجىلىق پارىزىن وتەۋگە بارىپ، وقىس وقيعادان قازا تاپقان يراندىقتاردىڭ ءمايىتى بۇگىن وتانىنا جەتكىزىلدى.

ال تەگەران تۇرعىندارى ساۋد ارابياسى ەلشىلىگىنىڭ الدىنا جيىلىپ، ەرەۋىلدەتتى. ولار وسىلايشا، مەككەدە بولعان سۇمدىق جاعدايعا بايلانىستى نارازىلىق تانىتتى.

ەسكە سالايىق، بەيسەنبى كۇنى تاڭەرتەڭ قاجىلىق ءراسىمى كەزىندە ادامدار ءبىرىن ءبىرى تاپتاپ، سوڭعى مالىمەتتەر بويىنشا، 769 ادام مەرت بولدى.

تاعى 934 ى ءتۇرلى دەنە جاراقاتىن العان. قايعىلى وقيعادان قازا تاپقان يراندىقتاردىڭ قاتارى 169 ادامعا ءوسىپ، يسلام رەسپۋبليكاسىنىڭ تاعى 300 دەن استام تۇرعىنىنان ءالى كۇنگە دەيىن حابار جوق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى