قازىرگى الەم جاۋاپكەرشىلىك داعدارىسىن باستان كەشىرۋدە - ا. لۋكاشەنكو
بۇگىن ب ۇ ۇ باس اسسامبلەياسىنىڭ 70- مەرەيتويلىق سەسسياسى اياسىنداعى «پوست-2015» سامميتىندە ءسوز سويلەگەن بەلارۋس پرەزيدەنتى الەكساندر لۋكاشەنكو وسىلاي دەدى.
«قازىرگى الەم جاۋاپكەرشىلىك داعدارىسىن باستان كەشىرۋدە. ويتكەنى، وزىمشىلدىك مۇددە مەن قاس-قاعىم ساتتىك پايدا كوپتەگەن شەشىمدەردى قابىلداۋدا باسشىلىققا الىنۋدا. ءبىرقاتار مەملەكەتتەردىڭ حالىقارالىق ارەناداعى ءىس-ارەكەتى شىنايى اقيقاتتى جانە باسقا ەلدەر مەن قوعامنىڭ ەرەكشەلىكتەرىن ءجيى ەسكەرە بەرمەيدى»، - دەدى ا. لۋكاشەنكو.
بەلارۋس باسشىسى ءوز سوزىندە مۇنداي بولماعان جاعدايدا يراك، ليۆيا، سيريا جانە باسقا دا مەملەكەتتەردە جۇزدەگەن مىڭ ادام قۇرباندىققا شالىنبايتىندىعىن ءارى سوعىستان قاشقان بوسقىندار لەگىنىڭ ارتپايتىندىعىن، يسلام مەملەكەتىنىڭ پايدا بولۋىنا جول بەرىلمەيتىندىگىن باسا اتاپ ءوتتى.
«بۇگىنگى تاڭدا بارشا الەمدىك قوعامداستىقتىڭ مۇددەسى ءۇشىن شەشىم قابىلداۋعا دايىن، جاھاندىق، ستراتەگيالىق ءىس-قيمىلعا قابىلەتتى، ورتاق يگىلىك ءۇشىن ىمىراعا بارا الاتىن جاۋاپتى ساياساتكەرلەر كەرەك»، - دەدى ول.
اۆتور: مارلان جيەمباي
