وڭتۇستىكتىڭ شارۋالارى جاۋىنقۇرتتىڭ كومەگىمەن مول ءونىم الا باستادى
كاليفورنيالىق قىزىل قۇرتتار وڭدەگەن تىڭايتقىشتار جەردىڭ قۇنارىن ارتتىرىپ قانا قويماي، توپىراقتىڭ بويىندا ىلعالدىلىقتى ۇزاق ۋاقىت ساقتاپ تۇرۋعا مۇمكىندىك بەرەدى ەكەن.
«ءتىپتى بيوگۋمۋس سەبىلگەن جەرگە ارام ءشوپ تە شىقپايدى»، - دەيدى ديقاندار. ولاردىڭ ايتۋىنشا، جاۋىنقۇرت كوكونىس قابىقتارىن دا ءسۇيسىنىپ جەيدى.
اتا كاسىپتى جالعاپ كەلە جاتقان رايس قارايبراگيموۆ بىلتىر كۇزدە باۋ- باقشادان ارتىلىپ قالعان تىڭايتقىشتى بيداي القاپتارىنا شاشتىرعان ەكەن. ەگىن بىتىك شىققان. ءتىپتى ول جەرلەردىڭ ءار گەكتارىنان 25 سەنتنەردەن ءونىم الىپتى. بۇرىن حيميالىق تىڭايتقىش سەۋىپ قانشاما تەر توككەنىمەن مۇنداي مول ءونىم جيناعان ەمەسپىز، - دەيدى شارۋا.
رايس قارايبراگيموۆ، وبلىستىق فەرمەرلەر مەن كاسىپكەرلەردى قولداۋ قورىنىڭ مەڭگەرۋشىسى:
- ءار گەكتارىنا 5 توننادان سەپتىك. ارنايى تەحنيكا كومەگىمەن ايدادىق. بىلتىر 15 تەن الساق، بيىل 25 كە جەتتى. بۇل ءبىز ءۇشىن ماقتانىش ويتكەنى باگارا جەردەن وسىنداي ءونىم الۋ وتە جاقسى.
تابيعات سانيتارلارىنىڭ نەگىزگى قورەگى شىرىگەن جاپىراق پەن مالدىڭ قيى. ءتىپتى ەكولوگيالىق احۋالعا دا اسەرى مول. سەبەبى بۇعان دەيىن پوليگوندارعا توگىلىپ كەلگەن ءتۇرلى تۇرمىستىق قالدىقتار مەن اۋىل ىشىندە تاۋ بولىپ ۇيىلگەن قوقىستى كادەگە جاراتادى. قىزىل قۇرتتار تازالاپ شىققان بيوگۋمۋس سەبىلگەن ەگىستىك القاپتارىندا جەردىڭ قۇنارى ارتىپ، ارام شوپتەر ازايادى، - دەيدى ديقاندار. ەڭ باستىسى - ءونىم تەز بۇزىلمايدى.
زۋلەيحا قارايبراگيموۆا، ديقان:
- پارنيكتە وسىرگەن كوشەتتەرىمدى وسىندا وتىرعىزدىم. سەليترا بەرمەدىم. بيوگۋمۋس جاقسى كۇش بەرەدى. تامىرىن كۇيدىرىپ جىبەرمەيدى. ءونىم جاقسى بولدى.
كاليفورنيالىق قىزىل جاۋىنقۇرتتار قىستاي شاعىن قورالار مەن ارنايى قازىلعان شۇڭقىرلاردا ساقتالادى. سۋىقتا قاتىپ قالماس ءۇشىن بەتىنە كوڭ توسەلىپ، ءۇستى شوپپەن جابىلادى. شارۋا وسىدان ەكى جىل بۇرىن 50 مىڭ دانا جاۋىنقۇرت اكەلگەن ەكەن. قازىر ولار كوبەيىپ ميلليوننان اسقان.
رايس قارايبراگيموۆ، وبلىستىق فەرمەرلەر مەن كاسىپكەرلەردى قولداۋ قورىنىڭ مەڭگەرۋشىسى:
- بۇلاردان شىققان ءتۇرلى مينەرالدىق ەلەمەنتتەر بار، باسقا دا امينوكيسلورودتار بار، اميندار بار سول سياقتى بۇدان شىققان بيوگۋمۋس ساپاسى وتە جوعارى.
شارۋاشىلىق شيكىزاتسىز قالامىن دەپ ۋايىمدامايدى. اۋىلداعى قورالاردان شىققان مالدىڭ قيلارىن دا وزدەرى الىپ كەتەدى. ودان وندىرىلگەن تىڭايتقىش ديقاندارعا بەرىلەدى. فەرمەر بولاشاقتا جاۋىنقۇرتتى كوبەيتىپ، ەولوگيالىق تازا ءارى جەردىڭ قۇنارىن ارتتىراتىن تابيعي تىڭايتقىش كولەمىن ۇلعايتۋدى جوسپارلاپ وتىر.
www.24.kz
