بابالار ءسوزى: «سۇلۋكول» اتاۋى قايدان شىقتى؟
بۇل جوبا اياسىندا «بابالار ءسوزى»، «قازاق حاندارى»، «ەجەلگى قالالار تاريحى»، «حالىق قازىناسى» قاتارلى جاڭا ايدارلار اشىلدى.
«بابالار ءسوزى» ايدارى نەگىزىنە «مادەني مۇرا» باعدارلاماسى اياسىندا شىققان 100 تومدىق اۋىز ادەبيەتىنىڭ جىر- تولعاۋلارى، قيسسا- داستاندار، ءسوز ۇستاعان شەشەندەر مەن بيلەرىمىزدەن قالعان ناقىلدار، تاريحي جادىگەرلەر الىندى. «قازاق حاندارى» ايدارىندا تاريحىمىزدا ەلىنە قورعان بولعان حانداردىڭ ءومىرى تۋرالى دەرەكتەر بەرىلەدى.
ال «ەجەلگى قالالار تاريحى» ايدارىنا قازاق دالاسىنداعى وركەنيەتتىڭ ورداسى بولعان كونە قالالاردىڭ تاريحى تۋرالى جازبالار جاريالانادى. «حالىق قازىناسى» ايدارى بويىنشا، قازاقستانداعى تاريحي، مادەني ەسكەرتكىشتەر، قازاق حالقىنىڭ سالت- داستۇرلەرى، قولونەر، قارۋ- جاراقتارى تۋرالى ماعلۇماتتار بەرىلمەك. جوبا ماتەريالدارى قازاق تىلىندە (قازاقشا جانە توتە جازۋمەن) اگەنتتىك سايتىندا جاريالانادى.
* * *
سۇلۋكول
ەرتەدە جەتىرۋ جاعالبايلى رۋىنىڭ ءبىر اتاقتى بايىنىڭ سۇلۋ ەسىمدى كوركىنە اقىلى ساي قىزى بولىپتى.
سۇلۋ ەل ىشىندەگى جىگىتتەردى كوزىنە ىلمەي، ءبىر كەدەي جىگىتكە عاشىق بولادى. اكەسى قىزىن كەدەي جىگىتكە بەرگىسى كەلمەيدى. اكەسىنىڭ شەشىمىنە قارسى بولعان قىز كولدە قايىقپەن سەرۋەندەپ جۇرگەندە، سۋعا كەتىپ ولەدى.
باي قىزىنىڭ سۋعا باتىپ كەتكەن جەرىنە دەيىن تاس توسەپ، جول سالىپ، كولدىڭ ورتاسىنا بەلگى قويادى. كولدىڭ اتاۋى بۇرىن باسقاشا بولسا كەرەك. كەيىن كولدى جەرگىلىكتى حالىق «سۇلۋكول» دەپ اتاپ كەتكەن.
