احمەت ءداۋىتوعلى مەكتەبىن شۋلاتقان وقۋشىمەن كەزدەستى
نيۋ- يورككە TÜRKEN قورىنىڭ جيىنى ءۇشىن جۇمىس ساپارىمەن بارعان تۇرىك پرەمەرى 14 جاستاعى احمەدپەن جانە ونىڭ وتباسىمەن كەزدەستى.
ءداۋىتوعلىعا اعىنان جارىلعان احمەد مۇحاممەد ءبىر كۇنى تۇركياعا قىدىرىپ بارعىسى كەلەتىندىگىن جەتكىزدى. سونداي- اق ول ەلەكتروندى قۇرىلعىلارعا دەگەن قىزىعۋشىلىعىنىڭ بۇنىمەن توقتاپ قالمايتىنىن جانە تاعى دا ەڭبەكتەنە تۇسەتىندىگىن دە ايتتى. جاس فيزيكتىڭ كەلەسى جاساپ شىعاراتىن قۇرىلعىسى گەنەراتور بولماق.
احمەد مۇحامەدتىڭ اكەسى - ءال- حاسان مۇحامەد تۇركيا ەلىن ۇلىن قولداعانى ءۇشىن العىسىن جەتكىزدى. «تۇركيا ءارقاشان مۇسىلمانداردى قولداپ كەلە جاتىر. بۇل - وسمان يمپەرياسى زامانىنان كەلە جاتقان داعدىسى. سوندىقتان تۇركيا ەلىنە العىسىم شەكسىز»، - دەدى ول. بۇعان قوسا ال- حاسان مۇحامەد : « ۇلىمدى مۇسىلمان بولعانى ءۇشىن ايىپتادى. يسلامعا دەگەن قورقىنىشتان ارىلاتىن كەز جەتتى»، - دەپ جانايقايىن دا جەتكىزدى.
كەزدەسۋ سوڭىندا جاس فيزيك تۇرىك پرەمەرى جانە ونىڭ جۇبايىمەن سەلفيگە ءتۇستى. ايتا كەتەيىك، تەحاس شتاتىنداعى مەكتەپ قولدان ساعات جاساپ شىعارعان 14 جاستاعى احمەد مۇحامەدتى جارىلعىش زات دايىندادى دەپ ايىپتاپ، ساباقتان شەتتەتكەن بولاتىن.
