اۋە شابۋىلىنا قارسى قورعانىس زەنيتتىك بولىمشەلەرىنىڭ دالالىق جيىندارى «ءماتىبۇلاق» پوليگونىندا وتەدى - فوتو
قازاقستاننىڭ بارلىق قارۋلى كۇشتەرىنەن جينالعان اۋە شابۋىلىنا قارسى قورعانىستىڭ زەنيتتىك بولىمشەلەرى، اسكەري تەحنيكا مەن قارۋ- جاراق پوليگون جاعدايىندا ءبىر اي وتكىزەدى.
جاۋىنگەرلەر ز ۋ-23-2 زەنيتتىك قۇرىلعىلاردان جانە تاسىمالداناتىن زەنيت- زىمىراندىق كەشەننەن جاۋىنگەرلىك وق اتۋ بويىنشا پراكتيكالىق داعدىلارىن جەتىلدىرەدى، جاۋىنگەرلىك جانە دەنە دايارلىعى بويىنشا سىناق تاپسىرادى، سونداي- اق بولىمشەلەردىڭ سايىسى وتەدى، دەپ حابارلادى ق ر ق م باسپا ءسوز قىزمەتى.
كوماندير ۇلان كاپيتانى داۋرەن- داۋىر سابىردىڭ باسشىلىق ەتۋىمەن جيىنعا قاتىساتىن تەڭىز جاياۋ اسكەرى بريگاداسى زەنيتتىك ديۆيزيونىنىڭ تەحنيكاسى مەن جەكە قۇرامى بار ەشەلونداردىڭ ءبىرى ماڭعىستاۋ وبلىسىنان وڭتۇستىك پوليگونعا اتتانۋعا دايىن. بۇگىن تەمىرجول كولىگىنە تەحنيكا تيەۋ تولىق اياقتالدى.
تەڭىز جاياۋ اسكەرى بريگاداسى زەنيتتىك ديۆيزيونىنىڭ اسكەري قىزمەتشىلەرى مۇنداي جيىندارعا جىل سايىن قاتىساتىنىن ايتا كەتكەن ءجون. الايدا، بيىلعى جىلى العاش رەت پوليگونعا وزدەرىنىڭ تەحنيكاسىمەن كەلەدى. كومانديردىڭ ايتۋى بويىنشا جيىنعا دايىندالۋعا 20 كۇن كەتتى. بريگادادان بارلىعى 50 دەن استام زەنيتشى اسكەري قىزمەتشى تارتىلاتىن بولادى.
