ساراپشى: تەڭگەنى تۇراقتاندىرۋ التىندى ەنگىزۋگە اكەلىپ سوقتىرۋى مۇمكىن

دوللار حاقىندا ساراپشىلار وتە مۇقيات جاۋاپ بەرۋدە. ەسەسىنە ودان تۇبەگەيلى باس تارتا المايتىنىمىزدى دا مالىمدەپ وتىر. ال ەۋرازيالىق وداق اراسىندا ورتاق ۆاليۋتانىڭ پايدا بولۋىنا ماماندار رۇقسات بەرىپ وتىر دەپ حابارلايدى ك ت ك ارناسى.

ا ق ش- تىڭ فەدەرالدى قور جۇيەسى وسى جىلدىڭ اياعىنا دەيىن نەگىزگى مولشەرلەمەنى وزگەرتۋى مۇمكىن. سوندىقتان دا قارجى الەمى قايتادان شيەلەنىسەدى. الداعى ۋاقىتتا دامۋشى مەملەكەتتەردە ۇلتتىق ۆاليۋتانىڭ قۇنسىزدانۋ قاۋپى ساقتالادى. الايدا ساراپشىلاردىڭ پىكىرىنشە، اق جولاققا دا دايىن بولۋ كەرەك. ءبىرىنشى قازاننىڭ باسى - ا ق ش ءۇشىن جاڭا قارجى جىلىنىڭ باستاۋى. ساراپشىلار مۇحيتتىڭ ارعى جاعىنداعى ءبىرقاتار مۇناي ءوندىرۋشى كومپانيالاردىڭ بانكروتقا ۇشىرايتىنىن كۇتىپ وتىر.

بۇل دەگەنىمىز - امەريكا مۇنايىنىڭ كىرىسى تومەندەپ، ءبىزدىڭ مۇنايعا دەگەن سۇرانىس ارتۋى مۇمكىن. العاش رەت سوڭعى ۋاقىتتا وپتيميستىك ساندار ەستىلە باستادى: قارا التىننىڭ باررەلى ءجۇز دوللارعا جەتۋى ابدەن مۇمكىن.

مۇناي باعاسىن قالىپتاستىرۋ لوگيكا زاڭدارىنا باعىنۋدى توقاتتى. ال ازىرشە ۆاليۋتا نارىعىنداعى جاعدايدى تۇسىندىرۋگە بولادى. ساراپشىلار شارىقتاپ كەتكەن دوللار باعامىن الىپساتارلاردىڭ ءىسى دەيدى. سونداي-اق، ولار تەڭگەنىڭ دوللارعا شاققانداعى وڭتايلى باعامىن، نە ۇلتتىق ۆاليۋتانى قۇتقارىپ قالۋعا دايىنداپ قويعان قارجى سوماسىن، نە ۆاليۋتالىق وكتەمدىكتىڭ قاشان اياقتالاتىنىن ايتپاي وتىرعان ۇلتتىق بانكتىڭ ساياساتىنان بۇگىندە باعام قىمباتتاپ وتىر دەپ ەسەپتەيدى.

«حالىقارالىق قور تۇراقتى، ونى ۇلتتىق بانك ۆاليۋتا باعامىن باسۋ ءۇشىن عانا جۇمساپ وتىر. مەنىڭ كوزقاراسىم بويىنشا بۇل ساۋاتتى باعامدىق ساياسات. ويتكەنى قيىن تۇراقسىز ۋاقىتتا ارينە، «قاۋىپسىزدىك جاستىعى» دەگەن بولۋى كەرەك»، - دەيدى ساراپشى.

رازۋۆايەۆتىڭ ايتۋىنشا، جاقىن اراداعى 5-10 جىلدا دوللاردان نە رەسەي نە قازاقستان باس تارتا المايدى. ال ۇلتتىق نارىقتار تۇراقتانعان كەزدە ەۋرازيالىق وداق ەلدەرىنە ورتاق ۆاليۋتا جايلى ويلانۋعا بولادى دەگەن سەنىمدە.

«قول قويىلعان قۇجاتتارعا سايكەس التىن پايدا بولۋى ءتيىس. ەۋرازيالىق باسقارۋشى، ەۋرازيالىق ورتالىق بانك الماتىدا ورنالاسۋى كەرەك. ءبىز تاعى دا مۇناي باعاسىنا قايتا ورالامىز. ەگەر ول تۇراقتانسا، ياعني 100 دوللارعا جەتىپ، نەمەسە ودان جوعارى بولسا، سوعان سايكەس ۆاليۋتا دا بەرىك بولادى. بۇل ايتىلعان ساۋالدىڭ شەشىلۋىنە قاتىستى وڭتايلى شەشىم بولادى»، -  دەپ مالىمدەدى رازۋۆايەۆ.

ساراپشىلار قازاقستانداعى ەكونوميكالىق جاعداي وسى جىلدىڭ سوڭىنا دەيىن ناشارلاپ كەتۋى مۇمكىن ەمەس دەپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى