شاڭحاي ىنتىماقتاستىق ۇيىمى سودىرلارىمەن كۇرەس ماسەلەسىنە بايلانىستى ۇسىنىس ازىرلەمەك
بۇل تۋرالى ش ى ۇ باسپا ءسوز كلۋبىنىڭ وتىرىسى بارىسىندا ۇيىمنىڭ باس حاتشىسى دميتري مەزەنتسيەۆ ءمالىم ەتتى.
«يسلام مەملەكەتى» اتالاتىن لاڭكەستىك ۇيىم كوز الدىمىزدا تارالىپ بارادى. قازاقستان سىرتقى ىستەر ءمينيسترى ەرلان ىدىرىسوۆتىڭ باستاماسى بويىنشا ساراپتامالىق پىكىر قالىپتاستىرۋدى ءجون سانادىق، بۇل ۇسىنىستى ش ى ۇ وڭىرلىك لاڭكەستىككە قارسى قۇرىلىمى ەسكەرۋى ءتيىس. بۇل قۇرىلىمنىڭ كەڭەسى مۇشە مەملەكەتتەردىڭ الەۋەتتى بلوگىنىڭ وكىلدەرى اراسىنداعى ءوزارا ءىس-قيمىلدىڭ ىقتيمال فورماتىن قامتاماسىز ەتەدى. باقىلاۋشى مەملەكەتتەرمەن، ءتىپتى ديالوگ بويىنشا ارىپتەستەرمەن ءوزارا ءىس-قيمىلدىڭ بەلگىلى ءبىر فورماتى قاراستىرىلۋدا»، - دەدى جۋرناليستەردىڭ سۇراعىنا جاۋاپ بەرگەن ول.
د. مەزەنتسيەۆ ش ى ۇ- عا (سانكت-پەتەربور ق. 2015-جىلعى شىلدە) مۇشە مەملەكەتتەردىڭ قورعانىس مينيسترلەرىنىڭ كەزدەسۋىندە قىرعىزستاندا «بەيبىت ميسسيا-2016» لاڭكەستىككە قارسى جاتتىعۋ وتكىزۋ ماسەلەسى بەكىتىلگەنىن ەسكە سالىپ ءوتتى.
«پوليتسەيلەر عانا ەمەس اسكەري شارالار دا وسى قاتەرمەن كۇرەسكە جۇمىلدىرىلۋى قاجەت. ادامدار نەگە ولاردىڭ ازعىرۋىنا تارتىلۋدا، جاستار وتباسىلارىن، بالالارىن، ءۇيىن، وقۋىن تاستاپ، دەنساۋلىعى مەن ءومىرىن نە ءۇشىن قاۋىپكە تىگۋدە، سونى تالداۋ قاجەت»، - دەپ اتاپ ءوتتى د. مەزەنتسيەۆ.
