ورالدا وتكەن تۋريستىك فەستيۆالگە رەسەيلىكتەر دە قاتىستى - فوتو
وسىمەن ون سەگىزىنشى رەت ۇيىمداستىرىلىپ وتىرعان فەستيۆالگە ب ق و عانا ەمەس، سونداي-اق اقتوبە، ماڭعىستاۋ، وڭتۇستىك قازاقستان، سونداي-اق رەسەيدىڭ ورىنبور، ساراتوۆ وبلىستارىنان مەكتەپتەر مەن كوللەدجدەر تۋريستىك-ولكەتانۋ قىزمەتىن ۇيىمداستىرۋشىلارى قاتىستى. ولار جاياۋ تۋريزم تۇرلەرىنەن جانە باسقا بايقاۋلار بويىنشا سىنعا ءتۇستى.
جارىس سوڭىندا كوماندالار ءتۇرلى اتالىمدار بويىنشا جۇلدەگە يە بولىپ، مەدال، ديپلومدارمەن، ەسكەرتكىش سىيلىقتارمەن ماراپاتتالدى. ايتالىق، «اسۋدان وتۋدەن» جانىبەك پەن تەرەكتى اۋداندارى وكىلدەرى ۇزدىك شىقسا، قازتالوۆتىقتار تۋريستىك كوڭىلدى تاپقىشتار بولىپ تانىلدى. كروسس-جورىقتان تاسقالالىقتار الدان كورىنسە، لابيرينتتەن ورىنبورلىقتار وزدى. تەحنيكالىق قاشىقتىقتان جانىبەكتىكتەر كوزگە تۇسسە، جەكەلەي سىندا تەرەكتىلىك نۇربولات دۇيسەنعاليەۆ پەن اقجايىقتىق اجار قالەنوۆا ەرەكشەلەندى. تۇنگى باعدارلاۋدان قاراتوبەلىك قايرات امانعالي مەن ورىنبورلىق كارينا سارجانوۆا الدارىنا جان المادى. سول سەكىلدى ۇزدىك فوتو، بەينەفيلم، تۋريزم تۋرالى وچەرك، جورىق جونىندەگى ەسەپ جەڭىمپازدارى دا ماراپاتتالدى.
ب ق و بالالار - جاسوسپىرىمدەر تۋريزمى جانە ەكولوگيا ورتالىعىنىڭ ديرەكتورى، پەداگوگيكا عىلىمدارىنىڭ كانديداتى ۆيكتور فوميننىڭ ايتۋىنشا، ءوز تۋريستەرىمىز شەبەرلىگىن شىڭداعانى ءوز الدىنا، «ەۋروپا-ازيا» فەستيۆالى قازاقستان مەن رەسەيدىڭ كورشىلەس وبلىستارىنىڭ بالالار-جاسوسپىرىمدەر تۋريزمىن ۇيىمداستىرۋشىلارى اراسىنداعى دوستىق قارىم-قاتىناستى بارىنشا نىعايتىپ كەلەدى. وسىنداي شارالار بارىسىندا ولار ءبىر-بىرىمەن تاجىريبە الماسىپ، جاستاردى وتانشىلدىققا تاربيەلەۋدەگى ءبىلىم-بىلىگىن بايىتا تۇسەدى.
