وسكەمەندە وتكەن تەاترلار فەستيۆالىندە باتىس قازاقستاندىق تەاتر باس جۇلدەنى جەڭىپ الدى

اتالمىش ونەر دوداسىنا ساراپتامالىق كەڭەستىڭ شەشىمى بويىنشا ىرىكتەلىپ الىنعان سەگىز تەاتر قاتىستى. فەستيۆال بيىلعى جىلدىڭ ايتۋلى وقيعالارىنا، سونىڭ ىشىندە ۇلى جەڭىستىڭ 70 جىلدىعىنا ارنالدى.

فەستيۆال قورىتىندىسىندا باتىس قازاقستان وبلىستىق قازاق دراما تەاترى ۇلى جەڭىس تاقىرىبى بويىنشا باس جۇلدەنى يەلەندى. باتىس قازاقستاندىق تەاتر وسكەمەندىك كورەرمەندەر مەن قازىلار القاسىنىڭ نازارىنا كلاسسيك جازۋشى شىڭعىس ايتماتوۆتىڭ «ءجاميلا» شىعارماسى نەگىزىندە قويىلعان درامانى (رەجيسسەرى مۇقانعالي تومانوۆ) ۇسىندى.

ايتا كەتەيىك، باتىس قازاقستاندىق تەاتر بۇدان بۇرىن 2012-جىلى قازاندا قوستاناي قالاسىندا كورنەكتى مەملەكەت جانە قوعام قايراتكەرى ءىلياس وماروۆتىڭ 100 جىلدىعىنا ارنالعان رەسپۋبليكالىق تەاترلار فەستيۆالىندە مۇقانعالي تومانوۆ ساحنالاعان گريگوري گوريننىڭ «اتىڭ ءوشسىن، گەروسترات!» تراگيكومەدياسىن قويىپ، جەتى بىردەي جۇلدەنى جەڭىپ العان بولاتىن. سونداي-اق بيىلعى ماۋسىم ايىندا كەرچ قالاسىندا وتكەن «بوسپورسكيە اگونى» حالىقارالىق فەستيۆالىنە قۋاندىق قاسىموۆ قويعان «ترويا ارۋلارىمەن» قاتىسىپ، باس جۇلدەگە قوسا «ەڭ ۇزدىك رەجيسسۋرا»، «ەڭ ۇزدىك ايەل بەينەسى» اتالىمدارىن دا يەلەنىپ ورالعان ەدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى