قازاقستاندا اۋىر جۇمىس ىستەيتىندەر ەندى زەينەتكە ەرتە شىعادى
بۇل جايىندا بۇگىن «نۇر وتان» پارتياسىنىڭ ورتالىق اپپاراتىندا ەڭبەك كودەكسى جوباسىن تالقىلاۋ بارىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا مالىمدەدى.
«ەلىمىزدە زەينەتاقى زاڭى 2010 -جىلى العاش رەت قابىلدانعان بولاتىن. 2014 -جىلى وعان وزگەرىستەر دە ەنگىزىلدى. سوعان سايكەس، بۇرىن ەڭبەك ازاماتتارى ەڭبەكاقى ەسەبىنەن 10 پايىز عانا جارنا تولەپ وتىراتىن. ەندى اۋىر جۇمىس ىستەيتىن ازاماتتارعا جۇمىس بەرۋشىلەر قوسىمشا تاعى 5 پايىز تولەيتىن بولادى. بيىلدان باستاپ اۋىر جۇمىس ىستەيتىن جۇمىسشىلارعا 15 پايىز جارنا تولەنىپ، ولار 55 جاسىندا زەينەتكە شىعۋعا مۇمكىندىك الادى. ارينە بۇل رەتتە جۇمىسكەردىڭ قالاۋى ەسكەرىلمەك»، - دەدى تامارا دۇيسەنوۆا.
ايتا كەتەيىك، بۇگىن «نۇر وتان» پارتياسى مەن دەنساۋلىق ساقتاۋ جانە الەۋمەتتىك دامۋ مينيسترلىگى جاڭا ەڭبەك كودەكسىن تالقىلاۋ بارىسىندا جاڭاشا مامىلەگە كەلدى.
ەڭبەك مەرزىمىنەن تىس ۋاقىتتا جۇمىس ىستەگەن قىزمەتكەرلەردىڭ ەڭبەك اقىسى ءبىر كۇندىك جالاقىدان كەمىندە ءبىر جارىم ەسەگە كوپ بولماق.
دەرەككوز: BAQ. KZ
