جامبىلدىقتار ۇلى جىبەك جولى باعىتى بويىنشا قىتايدان كەلە جاتقان كەرۋەندى كۇتىپ الۋعا ازىرلەنۋدە - فوتو

«شيان - تاراز» دوستىق پەن ىنتىماقتاستىق كەرۋەنى قورداي اۋدانىنا ەرتەڭ ساعات 11.00 دە كەلەدى، - دەپ حابارلادى «قازاقپارات» ح ا ا تىلشىسىنە تەلەفون ارقىلى «قازاقستان دۇنگەندەرىنىڭ قاۋىمداستىعى» ەتنومادەني بىرلەستىگىن باسقاراتىن «جاڭا جىبەك جولى» حالىقارالىق اكادەمياسى» ق ق پرەزيدەنتى، ەكسپەديتسيا قاتىسۋشىسى حۋسەي داۋروۆ.

- «وتار» بەكەتىنەن 15 شاقىرىم جەردە كەرۋەندى جامبىل جەرىندە سالتاناتتى قارسى الۋ ءراسىمى وتەدى.

ەسكە سالساق، 2014 -جىلعى 19 -قىركۇيەكتە ەجەلگى ساۋدا جولدارى بويىنشا شيان قالاسىنان «قىتاي- قازاقستان: ۇلى جىبەك جولىنىڭ شاي مادەنيەتى» دوستىق جانە ىنتىماقتاستىق كەرۋەنى شىققان. اۋقىمدى اكسيا ق ح ر ءتوراعاسى شي جينپيڭنىڭ جىبەك جولى ەكونوميكالىق بەلدەۋىن قۇرۋ تۋرالى باستاماسىن قولداۋ اياسىندا وتۋدە.

شانشي پروۆينسياسىندا وسىرىلگەن فۋسا ەمدىك شايى تيەلگەن 55 تۇيە مەن 20 اتتان تۇراتىن كەرۋەن 8 -قازاندا تارازعا قازاق حاندىعىنىڭ 550 جىلدىق مەرەيتويىن مەرەكەلەۋ قارساڭىندا كەلۋى ءتيىس بولاتىن.

«ارال كەمەسىن» تاڭ ديناستياسى ءداۋىرىنىڭ كيىمدەرىن كيگەن كەرۋەنشىلەر، نايزالى قاراۋىلدار، تۇيە قومىندارعى جۇكتەر مەن اۆتوموبيلدەر شەرۋى سۇيەمەلدەيدى.

5 مىڭ شاقىرىمدىق ساياحاتتى ۇيىمداستىرۋشىلار قازاقستانداعى دۇنگەندەر قاۋىمداستىعى مەن قحر، شيان «ي- زە فۋتسا» كومپانياسى. قازاقستاندىق تاراپتان الماتى وبلىسىنىڭ كاسىپكەرلەر پالاتاسى مەن «جاڭا جىبەك جولى» مادەني جانە ەكونوميكالىق ىنتىماقتاستىقتىڭ حالىقارالىق اكادەمياسى» قولداۋ كورسەتتى. شارانى ۇيىمداستىرۋشىلار - شيان قالاسىنىڭ اكىمشىلىگى، الماتى جانە جامبىل وبلىستارىنىڭ، الماتى قالاسىنىڭ اكىمدىكتەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى