امەريكالىق رەپەرلەر گولوۆكين تۋرالى جاڭا ءاننىڭ ءۇزىندىسىن جاريا ەتتى

پورتالدىڭ مالىمەتىنشە، ءاننىڭ ءۇزىندىسى رۋيستىڭ Instagram جەلىسىندەگى پاراقشاسىندا پايدا بولدى. رەپەرلەر كليپتىڭ ءتۇسىرىلىم جۇمىستارىنا كىرىسىپ كەتكەنگە ۇقسايدى.

ايتا كەتەيىك، بۇل مۋزىكانتتاردىڭ قازاقستاندىق بوكسشى تۋرالى ءۇشىنشى جۇمىستارى بولماق: وتكەن جىلى قاراشادا ولار Mexican Style («مەكسيكالىق ستيل») ءانى مەن بەينەبايانىن تانىستىردى، ال اقپاندا Good Boy Killa اتتى كومپوزيتسيا جارىققا شىقتى.

گولوۆكينگە قازاقستاندا ءانشى مارينا بەيسەحانوۆا ("رەالنىي 3G") مەن اتاقتى اكتەر ءارى مۋزىكانت ءانۋار نۇرپەيىسوۆ ("گەنا GGG") ءان ارناعان بولاتىن.

ەسكە سالا كەتەيىك، گولوۆكين كەلەسى جەكپە- جەگىن داۆيد لەمەمەن 17 -قازاندا نيۋ- يوركتەگى Madison Square Garden ارەناسىندا وتكىزەدى. باسكە WBA (Super) ، IBO، WBC (Interim) جانە IBF چەمپيوندىق بەلبەۋلەرى تىگىلەدى. سونىمەن بىرگە، بۇل ەكى بوكسشىنىڭ دا PPV- داعى (اقىلى ترانسلياتسيا جۇيەسى) ءبىرىنشى كەزدەسۋى بولماق. كەزدەسۋدى "قازاقستان" تەلەارناسىنان تىكەلەي ەفيردە كورۋگە بولادى.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى