استاناداعى كورمەگە «توشيبا» كومپانياسى الەمنىڭ ەشبىر ەلىندە جوق دياگنوستيكالىق تەحنيكانى الىپ كەلدى - فوتو

دەنساۋلىق ساقتاۋ سالاسىنا ارنالعان «AstanaZdorovie-2015» كورمەسىنە بەلارۋس، گەرمانيا، يزرايل، قىتاي، قازاقستان، كورەيا، رەسەي، سلوۆاكيا، اقش، وزبەكستان جانە جاپونيا ەلدەرىنەن 100 گە تارتا كومپانيا قاتىسۋدا.

ولار قازاقستانعا گيگيەنالىق ديزينفەكتسيالىق قۇرالداردى، فيزيوتەراپيا، كاسمەتولوگيا، كارديولوگيا سالاسىنداعى مەديتسينادىق جانە زەرتحانالىق تەحنولوگيالاردى الىپ كەلىپ وتىر.

كورمەگە الەمنىڭ ەڭ ءىرى مەديتسينا تەحنيكالارىن شىعاراتىن Toshiba كومپانياسى دا قاتىسۋدا. ولار بۇگىندە الەمنىڭ ەشبىر ەلىندە جوق دياگنوستيكالىق تەحنيكانى پاش ەتتى.

«تەحنولوگيالارمەن الماسۋ بارىسى وسىنداي ءىرى كورمەلەردىڭ ارقاسىندا جۇرەدى. مەن بارلىق قاتىسۋشىلارعا ءتيىمدى بايلانىستار ورناتۋدى جانە جاقسى كەلىسىمشارتتارعا قول جەتكىزۋلەرىن تىلەيمىن. استاناعا كەلگەندەرىڭىزگە راقمەت!»، - دەدى ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى الەكسەي تسوي كورمەنىڭ اشىلۋىندا.

ال «Astana Leisure 2015» تۋريستىك كورمەسىنە الەمنىڭ 25 مەملەكەتىنەن 65 كومپانيا قاتىسۋدا. ول قازاقستاننىڭ جانە كورمەگە قاتىسۋشى مەملەكەتتەردىڭ تۋريستىك الەۋەتىن دامىتۋعا باعىتتالىپ وتىر. ءاربىر ەل مۇندا وزدەرىنىڭ تۋرسيتىك مارشرۋتتارىن ۇسىنعان.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى