قىتاي باسشىسى ا ق ش- قا قاراپايىم ۇشاقپەن ۇشىپ باردى
«نومەرى ءبىرىنشى بورت» Boeing 747-400 بولىپ شىقتى. الايدا بۇل اۋە كەمەسى ارنايى دايىندىقتان وتكەن. ماماندار ونىڭ ىشىندەگى جاتىن بولمەسىن، كابينەت پەن قوناق بولمەسىن جابدىقتادى. شي جينپيڭنىڭ ساپارى اياقتالعاننان كەيىن بۇل جابدىقتار قايتا الىنىپ تاستالادى، سەبەبى ول قىتاي اۋە تاسىمالداۋشىسىنىڭ تۇراقتى رەيسى رەتىندە قولدانىلادى. ايتا كەتەيىك، ا ق ش- قا ۇشار الدىندا ق ح ر ءتوراعاسىنىڭ كۇزەت قىزمەتى ءبىر ايعا جۋىق ۋاقىت بويى لاينەر مەن ونىڭ ەكيپاجىن تەكسەردى.
ايتا كەتەيىك، 2001 -جىلى ق ح ر باسشىسى جياڭ زىمين وزگە ەل باسشىلارىنان ۇلگى الىپ، وزىنە جەكە ۇشاق الۋدى ۇيعاردى. ول لاينەر قىتاي باسشىسىن تاسىمالداۋعا ارنالعان جانە ارنايى جابدىقتالعان. قىتاي اقىرى ونى قولدانعان جوق، سەبەبى ق ح ر مەملەكەتتىك قاۋىپسىزدىگىنىڭ قىزمەتكەرلەرى تەكسەرۋ جۇرگىزگەندە بورتتان تىڭ تىڭدايتىن قۇرىلعىلار تابىلعان.
Tengrinews.kz
