اقتوبە تۇرعىنى قۇربان ايت كۇنى مەشىتتىڭ تابالدىرىعىندا قايتىس بولدى
اقتوبە وبلىستىق «نۇر عاسىر» مەشىتىنە تاڭعى نامازعا جينالعاندار كوپ بولدى. تاڭعى ايت نامازىن وقۋعا كەلگەن ءبىر اقتوبەلىك مەشىتكە دەيىن جەتە الماي، تابالدىرىقتا وتىرىپ قالعان.
تۇرعىنعا كومەك كەرەك ەكەنى تۋرالى حابار جەدەل جاردەم قىزمەتىنە ساعات سەگىزگە تامان تۇسكەن.
«وبلىستىق مەشىت جانىندا جەدەل-جاردەم قىزمەتىنىڭ ەكى بريگاداسى جۇمىس جاسادى. شامامەن 50 جاستاعى ەر ادامعا كومەك كەرەك ەكەنى تۋرالى بىزگە تاڭعى سەگىزدەردە حابار كەلدى. العاشقى كومەك كورسەتۋگە جەتكەن ماماندار كەلگەنشە ادامنىڭ بەلگىسىز جاعدايدا جان تاپسىرعانى انىقتالدى. قايتىس بولعان ادامنىڭ قاسىندا ەشكىم بولماعاندىقتان ونىڭ كىم ەكەنىن بىلە العان جوقپىز. شامامەن 50 جاستاعى ازيات ءناسىلدى ادام»، - دەپ حابارلايدى جەدەل جاردەم ستانتسياسى باس دارىگەردىڭ ورىنباسارى داستان نەتاليەۆا.
مۇردەنى پوليتسيا قىزمەتكەرلەرى ءمايىتحاناعا الىپ كەتكەن.
سايتىنان الىندى «NUR. KZ» سۋرەت
