اقمولا وبلىسىنىڭ اكىمى جاڭا مەشىتكە جينالعان جاماعاتتى قۇربان ايت مەيرامىمەن قۇتتىقتادى - فوتو
قۇربان ايت نامازىنىڭ الدىندا مەشىتتىڭ باس يمامى قانات قىدىرمين ۋاعىز ايتتى. بۇدان سوڭ وبلىس اكىمى جينالعانداردى قۇتتىقتاپ، مەرەكەنىڭ ءبىزدىڭ ەلىمىز ءۇشىن ماڭىزدىلىعىن اتاپ ءوتتى.
«ەلباسى ن. نازاربايەۆ ۇنەمى بىزگە ەتنوسارالىق جانە كونفەسسياارالىق كەلىسىمدى ءبىزدىڭ قوعامنىڭ ەڭ باستى قۇندىلىعىمىز رەتىندە كوزدىڭ قاراشىعىنداي ساقتاۋ قاجەتتىگىن ايتىپ كەلەدى. بۇگىنگى ايت نامازى سىزدەردىڭ جۇرەكتەرىڭىزگە نۇر بولىپ قۇيىلسىن. وسى كۇنگى سىزدەردىڭ بارلىق تىلەكتەرىڭىز ورىندالسىن! جاراتقان ءبىزدىڭ تاتۋ ەلىمىزدىڭ اماندىعىن ساقتاپ، ءار تۇرعىنىنىڭ ۇيىندە قوناقجايلىلىق پەن دارقاندىق جولداسىن، قۇربان- ايتتارىڭىز قۇتتى، قۇرباندىقتارىڭىز قابىل بولسىن!» دەدى ءوز سوزىندە وبلىس اكىم.
مەرەكەلىك ايت- نامازىنان كەيىن جاماعات مەشىت اۋلاسىنا شىعىپ، ارنايى بەلگىلەنگەن ورىندا قۇربان شالۋ ءراسىمىن باستادى.
ەستەرىڭىزگە سالا كەتسەك، قۇربان شالۋ مۇمكىندىگى بار مۇسىلمان ءۇشىن ءۋاجىپ. ول قۇربان ايتتىڭ ءبىرىنشى كۇنى ايت نامازىنان كەيىن باستالىپ، ايتتىڭ ءۇشىنشى كۇنى اقشامعا از ۋاقىت قالعانعا دەيىن جالعاسادى. قۇرباندىققا شالىنعان مالدىڭ ەتىن ءۇش بولىككە ءبولىپ تاراتۋ - پارىز. ءبىر بولىگى تۋعان- تۋىس، كورشىلەرىنە، ەكىنشى بولىگى - مۇقتاج ادامدارعا، ءۇشىنشى بولىگى - ءوزىنىڭ بالا شاعاسىنا، وتباسىنا بەرىلەدى.
