قازاق قىزى بەسسايىستان الەم چەمپيونى اتاندى

اتلەتتەر باس جۇدەگە بەسسايىس باعدارلاماسى بويىنشا تالاستى: سپرينت، وق اتۋ، سنارياد لاقتىرۋ، ءجۇزۋ جانە كروسس.

بۇل تۋرالى سپورت. ك ز جازادى.

 12-13 جاستاعى بويجەتكەندەر اراسىندا سپورتتىق باسەكەدە «جاستار»  بالالار مەن جاس وسپرىمدەرگە ارنالعان سپورت مەكتەبىنىڭ تاربيەلەنۋشىسى ارينا ميشەيەۆا جەڭىمپاز اتاندى. 60 مەترلىك سپرينتتە توپتا ۇزدىك ناتيجە كورسەتىپ، ءجۇزۋ، اتۋ جانە سنارياد لاقتىرۋدا جوعارى كورسەتكىشتەرگە يە بولىپ، جارىستىڭ سوڭعى ءتۇرى - 1000 مەترگە جۇگىرۋگە شىققان ارينانىڭ رەسەيلىك قارسىلاسىنا قاراعاندا ۇپاي سانى جاعىنان از عانا باسىمدىققا يە بولعان. قارسىلاسىنان جەڭىلىپ بارا جاتقاندا ءبىزدىڭ سپورتشىمىز جەڭىسكە دەگەن ۇمتىلىسىن تانىتىپ، مارە سىزىعىندا رەسەيلىك سپورتشىدان وزا كەلدى.

قازاقستان رەسپۋبليكاسىنىڭ اتىنان جاسوسپىرىمدەردىڭ الەم چەمپيوناتىنا ىرىكتەۋ قورىتىندىلارى بويىنشا الىنعان بارلىعى 2 سپورتشى قىز قاتىستى. وكىنىشكە قاراي، قوستاناي سپورتشىسى 14-15 جاستاعى بويجەتكەندەر توبىندا 4- ورىن الىپ، جەڭىمپازدار تۇعىرىنا شىعا المادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى