ق ر س ىستەر مينيسترلىگى مينا جازىعىندا كەپتەلىس سالدارىنان قازا تاپقان قاجىلار قاتارىندا قازاقستاندىقتاردىڭ بار- جوعىن تەكسەرۋدە
«مەككەدە ادامداردىڭ سىعىلىسۋى سالدارىنان قازا تاپقانداردىڭ قاتارىندا قازاقستاندىقتاردىڭ بار- جوعىن تەكسەرىپ جاتىرمىز. وسى كۇندەرى ەلىمىزدىڭ 4000 داي ازاماتى قاجىلىق پارىزىن وتەپ جاتىر»، - دەدى ق ر س ءى م باسپا ءسوز قىزمەتىنىڭ باسشىسى انۋار جايناقوۆ ءوزىنىڭ تۆيتتەر- دەگى پاراقشاسىندا.
ەسكە سالا كەتەيىك، بۇگىن ساۋد ارابياسىنىڭ مينا جازىعىندا كەپتەلىس سالدارىنان قاجىلىققا بارعان 220 دان استام ادام قازا تاۋىپ، 450-دەن استام ادام زارداپ شەكتى.
مينا جازىعىندا قازا تاپقاندار مەن جاراقاتتانعاندار قاي ۇلت وكىلدەرى ەكەندىگى تۋرالى اقپارات كەلىپ تۇسكەن جوق.
تاڭەرتەڭ مۇسىلماندار ءۇشىن كيەلى قالا - مەككەدەن بىرنەشە شاقىرىم جەردە ورنالاسقان مينا جازىعىندا مۇسىلمانداردىڭ يد ءال- ادحا - قۇربان ايت مەرەكەسىنىڭ قۇرمەتىنە وقىلعان نامازعا كوپتەگەن ەلدەردەن كەلگەن جۇزدەگەن مىڭ قاجى جينالعان ەدى.
