تالدىقورعاندىق روبوت جاساۋشى وقۋشىلار ج و و وقۋ گرانتىنا يە بولدى
ناقتىلاپ ايتار بولساق، تالدىقورعاندىق وقۋشىلار «اشىق شىعارماشىلىق ساناتى، ورتا جاستاعى توپ» ساناتى بويىنشا جۇلدەلى II ورىنعا يە بولدى، دەپ جازادى zhetysu.gov.kz.
وليمپيادانىڭ ءوتۋى بارىسىندا جاس عالىمدار ءادىل قازىلار القاسىنىڭ نازارىنا مۇناي ءوندىرۋ سالاسىندا قولدانۋعا بولاتىن روبوتتى ۇسىندى. بۇل جوبا بىلىمگەرلەردىڭ II ورىن يەگەرى اتانۋلارىنا مۇمكىندىك بەردى.
وسى جەڭىستىڭ ارقاسىندا، تالدىقورعان مەكتەبىنىڭ وقۋشىلارى كاتار مەملەكەتىندە وتەتىن «WRO-2015» حالىقارالىق روبوتتى تەحنيكا وليمپياداسىنا قاتىسۋ مۇمكىندىگىنە يە بولدى.
سونىمەن قاتار راتمير سارتبايەۆ پەن بەك تالعات حالىقارالىق IT- ۋنيۆەرسيتەتىنىڭ وقۋ گرانتىنا يە بولدى.
ەكى كۇنگە سوزىلعان وليمپيادا بايقاۋىندا قازاقستاننىڭ بارلىق وڭىرلەرىنەن 150-دەن استام وقۋشى قاتىستى. وليمپيادانىڭ باستى ماقساتى وقۋشىلاردىڭ تەحنيكالىق مودەلدەۋ جانە باعدارلامالاۋعا يكەمدىلىكتەرىن دامىتۋ، ولارعا قولداۋ كورسەتۋ جانە مەكتەپتەردە ءبىلىم بەرۋ بارىسىندا روبوتتى تەحنيكا باعدارلاماسىن جۇزەگە اسىرۋ بولىپ تابىلادى.
