قورقىنىشتى شىعارمالاردىڭ پاتشاسى ستيۆەن كينگتىڭ قاناتتى سوزدەرى
ونىڭ شىعارمالارىن جۇيكە جۇيەسى ناشارلاعان ادامدار وقي المايدى. الايدا ستيۆەننىڭ كىتاپتارى فيلوسوفيالىق ويلارعا وتە باي.
ستيۆەن كينگ كىتاپتارى الەمنىڭ بىرنەشە تىلىنە اۋدارىلعان. اۆتور قورقىنىشتى اڭگىمەلەردى جازسا دا، ومىردە وتە قاراپايىم، نازىك، اقكوڭىل ادام. ءبىز بۇگىن سىزدەردىڭ نازارلارىڭىزعا ءومىردىڭ ءارتۇرلى سالاسىنا قاتىستى ايتىلعان جازۋشىنىڭ ءبىر توپ قاناتتى ءسوزىن ۇسىنامىز.
1. شىن مانىندە قۇبىجىقتار مەن ءارۋاقتار ءومىر سۇرەدى. ولار ءبىزدىڭ ىشىمىزدە. ءتىپتى كەي كەزدە ءبىزدى جەڭىپ كەتەدى.
2. كەيبىر ۋاقىتتا ايەل ادامدار امان قالۋ ءۇشىن مىستان بولۋى كەرەك.
3. ەگەر ءسىز ءوزىڭىزدىڭ اشۋىڭىزدى ۇستاي الماساڭىز، اشۋىڭىز دا ءسىزدى ۇستاي المايدى.
4. ەڭ ماڭىزدى نارسەنى سوزبەن ايتىپ جەتكىزۋ وتە قيىن. كەيدە ءوزىمىزدىڭ سەزىمىمىزدىڭ الدىندا ۇيالىپ، تەرىس اينالىپ جاتامىز. سەبەبى سەزىمىمىزدى سوزبەن ايتىپ جەتكىزۋ مۇمكىن ەمەس ەكەندىگىن تۇسىنەمىز.
5. ءومىردىڭ باستى قاعيداسى - ءومىر ءسۇرۋ. قولىڭىزدان كەلمەسە دە ءوز- وزىڭىزگە: «مەن مىنا زاتتى جاساي الامىن»، - دەپ ۋادە بەرىڭىز.
6. ەگەر ادام مەنى ءبىرىنشى رەت الداپ تۇرسا، ول مەنەن ۇيالۋ كەرەك. ال ەگەر ول مەنى ەكىنشى رەت الداسا، مەن ودان ۇيالۋىم كەرەك.
7. تۇنشىققان تالانت - كەسەك تۇزدان ارزان. تابىستى ادام مەن تالانتتى ادامنىڭ جالعىز ايىرماشىلىعى - ەرىنبەي ەڭبەك ەتۋىندە.
8. ايەل ادامدار ەشقاشان قۇپيا ۇستاۋدى بىلمەيدى. ءبىراق ولار جۇرەگىندە ساقتاعان زاتتى ولسە دە ايتپايدى.
9. كەيدە جۇرەگىمىز جارىلىپ كەتەدى. ءيا، شىنىمەن دە جۇرەگىمىز جارىلىپ كەتە جازدايتىن شىتىرمان وقيعالار كوپ بولادى. مەنىڭ ويىمشا، ونداي كەزدە ءولىپ قالعانىمىز دۇرىس. ءبىراق ءبىز دىم بولماعانداي ءتىرى جۇرەمىز.
10. ماعان وزدەرى كۇلەتىن قىزدار ۇنايدى. ولاردى ءازىلدىڭ ورتاسىنا سالۋدىڭ دا قاجەتى جوق.
11. قاتتى كەرەك بولعان زاتتاردى اقشاعا ساتىپ الا المايسىز.
12. وتكەن ىسكە وكىنبەۋ كەرەك. ومىردەن العان سوققىلاردىڭ ءبارى ماڭىزدى ەمەس. ماڭىزدىسى - ءبىزدىڭ ەش نارسەگە مويىماي، العا قاراي ۇمتىلىپ، ءومىر ءسۇرىپ كەلە جاتقاندىعىمىز.
13. قانداي ءىستى بولسا دا، اياعىنا دەيىن جەتكىزىڭىز. سوندا عانا ەركىندىكتى سەزىنەسىز.
14. قانداي تىلدە بولسا دا ەڭ كەرەمەت، ەڭ ادەمى ءسوز - «مەن سەنى كەشىردىم».
15. ەگەر ءوزىڭىز جۇرگەندە جامان بولسا، باسقالارمەن بىرگە ءبارى جاقسى بولۋى مۇمكىن ەمەس.
16. كۇننىڭ نەمەسە ءتۇننىڭ قاي مەزگىلىندە بولسا دا، مىندەتتى تۇردە توگىلۋگە ءتيىستى جاستار بولادى. سوندىقتان ءوز- ءوزىڭىزدى ىشتەي جەي بەرمەڭىز، جىلاپ الىڭىز. جەڭىلدەپ قالاسىز.
17. نەشە ءتۇرلى سيقىرلاردىڭ بولۋى مۇمكىن. ءبىراق وزىنە كومەكتەسكەن ادامعا عانا قۇداي كومەكتەسەتىنىن ەشقاشان ەستەن شىعارماڭىز.
«ماسساگەت»
