قازاقپارات ح ا ا- نىڭ باس ديرەكتورى قىتايدىڭ ەڭ جوعارعى لاۋازىمدى باسشىنىڭ بىرىمەن كەزدەستى
«داعدارىس ۋاقىتىندا ەرەكشە شەشىمدەر قاجەت. سونىڭ ءبىرى - ق ح ر ءتوراعاسى شي جينپيڭنىڭ «ءبىر بەلدەۋ، ءبىر جول» باستاماسى. قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جاقىندا جاساعان ساپارى ەكى ەلدىڭ امال- ارەكەتتەرى ۇقساس ەكەنىن كورسەتتى. قازاقستاندىق «نۇرلى جول» باعدارلاماسى مەن «جىبەك جولىنىڭ ەكونوميكالىق بەلدەۋىن» تاجىريبەلىك تۇرعىدا بىرىكتىرۋ تۋرالى شەشىم قابىلداندى»، - دەدى د. دياروۆ كەزدەسۋدە.
«ءبىر بەلدەۋ، ءبىر جول» بويىندا ورنالاسقان ەلدەردىڭ ب ا ق ىنتىماقتاستىعى فورۋمىنا قاتىسقان شەتەلدىك ماسس- مەديا (يندونەزيالىق «انتارا»، يسپانيالىق «EFE»، رەسەيلىك «ت ا س س»، بەلارۋستىڭ «بەلتا» - سى، قىرعىزستاننىڭ «قابارى»، سونداي-اق ا ق ش، ۇلى بريتانيا، ءۇندىستان، ارگەنتينا، مەكسيكا جانە تاعى باسقا ەلدەر) وكىلدەرىمەن پىكىر الماسۋدان كەيىن ليۋ يۋنشان قىتايدىڭ «ءبىر بەلدەۋ، ءبىر جول» بويىندا ورنالاسقان ەلدەرگە ءوز تىلەگىن مىندەتتەپ وتىرماعانىن اتاپ ءوتتى.
ەسكە سالا كەتەيىك، ليۋ يۋنشان - ق ح ر ءتوراعاسى شي جينپيڭ، ق ح ر مەملەكەتتىك كەڭەسىنىڭ پرەمەرى لي كىشياڭ، بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ (ت ك) ءتوراعاسى جان دىجياڭ، قىتاي ۇلتتىق ساياسي كونسۋلتاتيۆتى كەڭەسى بۇكىل قىتايلىق كوميتەتىنىڭ ءتوراعاسى يۋي جىڭشىڭ ، ق ك پ و ك ورتالىق كوميسسياسىنىڭ حاتشىسى ۋاڭ چيشان جانە ق ح ر مەملەكەتتىك كەڭەسى پرەمەرىنىڭ ورىنباسارى جاڭ گاۋلي سياقتى قىتايدىڭ جوعارى پارتيالىق ورگانى - ق ك پ و ك س ب ت ك- نىڭ (7 پارتيالىق فۋنكتسيونەردەن تۇرادى) مۇشەسى.
فورۋمدى قىتاي كومپارتياسىنىڭ «رىنمين رىباۋ» مەدياقۇرىلىمى ۇيىمداستىردى. شاراعا 59 ەلدەن 155 مەدياقۇرىلىم، ب ۇ ۇ تىلشىلەر قاۋىمداستىعى وكىلدەرى، ق ح ر كوممەرتسيا ۆيتسە- ءمينيسترى، حىنان پروۆينتسياسى، شانشي، گانسۋ، لانجوۋ، شيڭداۋ قالاسى، شاندۇڭ پروۆينتسياسى پارتيا كوميتەتتەرىنىڭ حاتشىلارى، جياڭسۋ، گۋاڭدۇڭ پروۆينتسيالارى مەن قىتايدىڭ باسقا وڭىرلەرى اتقارۋشى ورگاندارىنىڭ، قىتاي بانكتەرى، كورپوراتسيالار مەن ب ا ق وكىلدەرى قاتىستى.
فورۋمنىڭ اشىلۋىندا قۇرمەتتى شەتەل قوناقتارى العاشقىلارىنىڭ ءبىرى بولىپ، «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى داۋرەن دياروۆ ءسوز سويلەگەن بولاتىن.
