قوستاناي تۇرعىنىنا تۋۋ تۋرالى كۋالىكتىڭ ورنىنا قايتىس بولۋ تۋرالى قۇجات بەرىلگەن
قالا تۇرعىنى قوستاناي قالالىق ازاماتتىق حال اكتىلەردى تىركەۋ بولىمىنە كەلىپ، تۋۋ تۋرالى كۋالىكتى قايتا بەرۋ ءوتىنىشىن جازدى. مۇندا وعان بەرىلگەن جاۋاپ ەر ادامدى تاڭقالدىردى.
«ءسىزدىڭ (ەر ادامنىڭ تەگى جازىلعان - رەد.) قايتىس بولۋ تۋرالى كۋالىكتى قايتا بەرۋ تۋرالى ءوتىنىشىڭىز قاراستىرىلدى. وسىعان بايلانىستى، ءتۇپنۇسقا قۇجاتتى الۋ ءۇشىن كەيىنىرەك ح ق ك و- نا بارۋعا كەڭەس بەرەمىز».
ا ح ا ت ءبولىمى قىزمەتكەرلەرىنىڭ باعىنا قاراي، ەر ادام بۇل اعاتتىقتى كوڭىلىنە ەش الماستان، كەرىسىنشە ۇزاق ءومىر ءسۇرۋ بەلگىسى دەپ باعالاعان. ول تۋۋ تۋرالى كۋالىگىنىڭ قايتا بەرىلەتىنىن ايتىپ، بۇل وقيعانى ۇمىتىپ كەتۋگە دايىن.
«ءبىز بۇل ازاماتتىڭ الدىندا كەشىرىم سۇراۋعا دايىنبىز. ارينە، ءبىزدىڭ تاراپىمىزدان ۇلكەن قاتەلىك كەتتى. بولىمىمىزدە مەنى قوسا العاندا نەبارى بەس قىزمەتكەر جۇمىس ىستەيدى. بۇل رەتتە ءبىز توعىز مەملەكەتتىك قىزمەت كورسەتەمىز. سونىڭ ءبىرى - جازعى- كۇزگى ماۋسىمدا اپتاسىنا جۇزگە دەيىن جەتەتىن نەكەنى تىركەۋ. ياعني، جۇمىس باستان اسىپ جاتىر»، - دەپ جاۋاپ بەردى قوستانايداعى ا ح ا ت ءبولىمىنىڭ باسشىسى نۇرگۇل قويشىبايەۆا.
