ق ر مەملەكەتتىك حاتشىسى ەۋرازيالىق ايەلدەر فورۋمىنا قاتىسۋ ءۇشىن سانكت-پەتەربورعا كەلدى
دەلەگاتسيانىڭ قۇرامىنا ق ر پارلامەنت دەپۋتاتتارى، مەملەكەتتىك ورگاندار مەن ق ر ۇلتتىق بانكىنىڭ باسشىلارى، ۇلتتىق كوميسسيانىڭ مۇشەلەرى كىردى.
فورۋمعا الەمنىڭ 77 ەلىنەن كەلگەن 700 دەن استام دەلەگات قاتىسادى. شارا ت م د- عا قاتىسۋشى مەملەكەتتەردىڭ پارلامەنتارالىق اسسامبلەياسى كەڭەسىنىڭ شەشىمىمەن ۇيىمداستىرىلعان.
فورۋمنىڭ پلەنارلىق وتىرىسىندا مەملەكەتتىك حاتشىنىڭ «قازاقستان رەسپۋبليكاسىنىڭ الەۋمەتتىك جانە گەندەرلىك ساياساتى: ناقتى قادامدار جانە كەلەشەگى» تاقىرىبىندا بايانداماسى جوسپارلانىپ وتىر.
سونداي- اق گۇلشارا ءابدىقالىقوۆا سانكت- پەتەربوردا تۇرىپ، وندا ءبىلىم الىپ جۇرگەن قازاق دياسپوراسىنىڭ وكىلدەرى جانە قازاقستاندىق جاستارمەن كەزدەستى.
كەزدەسۋ بارىسىندا مەملەكەتتىك حاتشى كەزدەسۋگە قاتىسۋشىلارعا باستى ماقساتىمىز - قازاقستاننىڭ الەمنىڭ دامىعان 30 ەلىنىڭ قاتارىنا كىرۋى ءۇشىن ەلباسىمىز ن. ءا. نازاربايەۆ ۇسىنعان «ماڭگىلىك ەل» جالپىۇلتتىق يدەياسىنىڭ، بەس ينستيتۋتسيونالدىق رەفورمانىڭ جانە ۇلت جوسپارى - «100 ناقتى قادامنىڭ» ماڭىزدىلىعىنا نازار اۋداردى.
قازاقستاندىق دەلەگاتسيانىڭ باسشىسى، مەملەكەتتىك حاتشى گ. ءابدىقالىقوۆا ت م د- عا قاتىسۋشى مەملەكەتتەردىڭ پارلامەنتارالىق اسسامبلەياسى كەڭەسىنىڭ ءتورايىمى ۆ. ماتۆيەنكونىڭ شاقىرۋىمەن ماريين تەاترىنا بارىپ، وندا رەسەيلىك وپەرا جانە بالەت جۇلدىزدارىنىڭ قاتىسۋىمەن وتكەن گالا-كونسەرتتى تاماشالادى.
