گولوۆكيندى جەڭەتىنىمە سەنىمدى بولماسام جەكپە-جەككە كەلىسپەس ەدىم - لەمە

«مەن گولوۆكينمەن جۇدىرىقتاسۋعا دايىنمىن. جالپى، جەكپە-جەكتە جەڭىسكە جەتەتىنىمە ەشقانداي كۇمان جوق. كۇمان بولسا مەن بۇل كەزدەسۋگە كەلىسىمىمدى بەرمەيتىن ەدىم. مەنىڭ سوڭعى رەت بولعان ن'جيكاممەن كەزدەسۋىم مەنى GGG گە قارسى تۇرۋىما جاقسى دايىندادى دەپ ەسەپتەيمىن. ول تيتۋلدى جەكپە-جەك بولدى، جوعارى دەڭگەيدە، پسيحولوگيالىق پرەسسينگكە قاراماستان مەن كەرەمەت ويىن كورسەتتىم»، - دەدى ول.

ونىڭ ويىنشا، گولوۆكينمەن كەزدەسۋ ونى ىلگەرىلەتە تۇسەدى جانە ول ءوزىن قازاقستاندىق بوكسشىنى جەڭەتىن ادام دەپ ەسەپتەيدى.

«مەندە جەڭىسكە قول جەتكىزۋگە قاجەتتىنىڭ بارلىعى بار: فۋنكتسيونالدىق، يكەم، كۇش، تاباندىلىق جانە جالپى تالپىنىس»، - دەپ كەلتىردى لەمەنىڭ ءسوزىن BoxingScene.

ەسكە سالا كەتەيىك، داۆيد لەمە مەن گەننادي گولوۆكين 17- قازاندا نيۋ-يوركتەگى Madison Square Garden ارەناسىندا جۇدىرىقتاسادى. باسكە WBA (Super), IBO, WBC (Interim) جانە IBF چەمپيوندىق بەلبەۋلەرى تىگىلەدى. سونىمەن بىرگە، بۇل ەكى بوكسشىنىڭ دا PPV- داعى (اقىلى ترانسلياتسيا جۇيەسى) ءبىرىنشى كەزدەسۋى بولماق. كەزدەسۋدى «قازاقستان» تەلەارناسىنان تىكەلەي ەفيردە كورۋگە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى