استانادا «ءبىز مەملەكەتتىك تىلدە قىزمەت كورسەتەمىز» اكسياسى باستالدى - فوتو

 اكسيا ماقساتى - مەملەكەتتىڭ ءتىلدىڭ مارتەبەسىن ارتتىرىپ، قولدانۋ اياسىن كەڭەيتۋ، كوپۇلتتى قازاقستاندا دوستىق پەن كەلىسىمدى نىعايتۋ بولىپ تابىلادى.

 «بۇگىن ەرىكتىلەر بانك، حالىققا قىزمەت كورسەتۋ ورتالىعى، اۋرۋحانا، اۋەجاي، اۆتوۆوكزال، تەمىر جول ۆوكزالدارىنا جىبەرىلەدى. ەرىكتىلەر بارلىق مەكەمەلەردىڭ جۇمىسىنا باعا بەرەدى. كەشە اتالمىش ۇيىم قىزمەتكەرلەرى ارنايى بەينەروليكتەرمەن، پلاكاتتارمەن تانىسىپ، سوزدىكتەر الدى. ءوز سالاسىندا مەملەكەتتىك تىلدە قالاي قىزمەت كورسەتۋ كەرەكتىگىن ءبارى بىلە بەرمەيدى. اكسياعا 100 ەرىكتى ستۋدەنت قاتىستى. ولار كۇنى بويى باعالاۋ جۇرگىزەدى دە، كەشكە اكسيانىڭ قورىتىندىسى شىعارىلادى، ۇزدىك قىزمەتكەرلەر ماراپاتتالاتىن بولادى»، - دەدى «نۇر وتان» پارتياسىنىڭ ا ق ف وكىلى و. بەيسەنبايەۆ.

ۇيىمداستىرۋشىلاردىڭ ايتۋىنشا، اكسيا ەكى كەزەڭدە وتەدى. ءبىرىنشى كەزەڭدە ۇگىتتەۋ جۇمىستارى جۇرگىزىلەدى. ونىڭ بارىسىندا ەرىكتىلەر تۇرعىندار مەن قالا قوناقتارىن اكسيا جايلى حاباردار ەتەدى، ەكىنشى كەزەڭدە ولار مەكەمەلەردەگى جۇمىس بارىسىن تىكەلەي باقىلايتىن بولادى.

كەشكە استانا اكىمدىگى الاڭىندا «ءتىل تۇتاستىعى - ەل تۇتاستىعى» اتتى وتاندىق ەسترادا جۇلدىزدارىنىڭ قاتىسۋىمەن مەرەكەلىك كونسەرت وتەدى. بەلسەندى قاتىسۋشىلار العىسحاتتارمەن، جۇلدەلەرمەن ماراپاتتالادى.

 شارا سوڭىندا استانا قالاسى اكىمدىگىنىڭ الدىنداعى الاڭدا ساعات 17.00 «ءتىل تۇتاستىعى -  ەل تۇتاستىعى» اتتى مەرەكەلىك كونسەرت وتەدى. مەرەكەلىك شارادا مارجان اراپبايەۆا، دوسىمجان تاڭاتاروۆ، قۇرماش ماحانوۆ، باۋىرجان يسايەۆ، گۇلنۇر ورازىمبەتوۆا، جاڭاباي وتەگەنوۆ جانە ت. ب. ونەرپازدار تاماشا اندەرىن ۇسىنادى.

 \\

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى