قازاق بالۋاندارىنىڭ قورقىنىشتى ءتۇسى. موڭعولدار كەلە جاتىر

بۇل تۋرالى «قازاقستان بارىسى» قازاق كۇرەسىن دامىتۋ قورىنىڭ باسپا ءسوز قىزمەتى حابارلادى.

 بايراقتى باسەكەگە گرۋزيا، قازاقستان، قىرعىزستان، موڭعوليا، پولشا، رەسەي، تۇركيا جانە وزبەكستان ەلدەرىنىڭ كوماندالارى قاتىسادى. ءار كوماندا دا جەتى بالۋان سىنعا تۇسەدى. ناقتىراق ايتا كەتسەك، 55 ك گ، 66 ك گ، 74 ك گ، 82 ك گ، -90 ك گ، -100 ك گ جانە +100 كەلى سالماق دارەجەسىندە كۇرەسەدى.

 «ەۋرازيا بارىسى» تۋرنيرى ەڭ العاش رەت 2013 -جىلدىڭ جەلتوقسان ايىندا وتكەن بولاتىن. ەۋرازيا قۇرلىعىنىڭ 8 مەملەكەتىنەن بالۋاندار قاتىسقان سىندا ەل قۇراماسى جەڭىسكە جەتتى. وتانداستارىمىز فينالدا موڭعوليا قۇراماسىنان 4:1 ەسەبىمەن ۇتتى.

2014 -جىلدىڭ قاراشا ايىندا وتكەن تۋرنيرگە ازەربايجان، قىتاي، گرۋزيا، قازاقستان، قىرعىزستان، موڭعوليا، پولشا، رەسەي، تاجىكستان، تۇركيا، وزبەكستان جانە ۋكراينا ەلدەرىنىڭ كوماندالارى كەلدى. بالۋان شولاقتىڭ 150  جىلدىق مەرەيتويىنا ارنالعان باسەكە قىزۋ تارتىسقا تولى بولدى. ەكىنشى رەت ۇيىمداستىرىلعان تۋرنيردىڭ فينالىندا تاعى دا قازاقستان - موڭعاليا قۇراماسى كەزدەسىپ، قوناقتار جەڭىمپاز اتاندى. بۇل جولى موڭعول بالۋاندارى 4:1 ەسەبىمەن باسىم ءتۇسىپ، جەڭىس تويىن تويلادى.

 حالىقارالىق «ەۋرازيا بارىسى» تۋرنيرىن تىكەلەي ەفيردە الەمنىڭ 126 مەملەكەتى تاماشالادى. بيىلعى حالىقارالىق كورسەتىلىمدى دە تۇركيالىق «ترت اۆاز» بەن رەسەيلىك «بوەتس» ارنالارى تىكەلەي ەفيردە ۇسىناتىن بولادى. ال ەلىمىزدە «قازاقستان» ، «KazSport» جانە «ك ت ك» ارنالارى كورسەتەدى. بيىلعى جارىستىڭ جالپى جۇلدە قورى 18,8 ميلليون تەڭگەنى قۇراپ وتىر.

 شارانىڭ باس دەمەۋشىسى - «سامۇرىق- قازىنا» ۇلتتىق ءال- اۋقات قورى» ا ق، تيتۋلدى دەمەۋشى- «قازمۇنايگاز» ۇلتتىق كومپانياسى» اكتسيونەرلىك قوعامى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى