الەمدىك قارجىلىق داعدارىس قازاقستان ءۇشىن يگىلىك بولا الادى
مۇنداي پىكىردى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «جاھاندىق جاڭا ەكونوميكالىق سىن- قاتەرلەر» اتتى دوڭگەلەك ۇستەل وتىرىسىندا قازاقستاننىڭ ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى ۆياچەسلاۆ دودونوۆ ءبىلدىردى.
«الەۋەتتى نەمەسە قازىرگى الەمدىك قارجىلىق داعدارىس جاعدايىندا تاعى ءبىر قىزىقتى اسپەكت بار. قازاقستان ءۇشىن توسىن بولسا دا، مۇنداي داعدارىستىڭ وڭ جاعى بار. ءتىپتى ونى يگىلىك دەپ تە اتاۋعا بولادى. نەگە؟ ويتكەنى، جاڭا داعدارىس جانە دامىعان ەلدەردىڭ قارجى نارىعىنىڭ كۇيرەۋى ورىن الاتىن بولسا، وندا ول دامىعان ەلدەردىڭ ورتالىق بانكتەرىن، ءبىرىنشى كەزەكتە ا ق ش فەدەرالدى رەزەرۆتىك جۇيەسىن بارىنشا بەلسەندى قيمىلداۋعا ماجبۇرلەيدى.
ياعني، مۇنداي سەناري بارىسىندا فەدەرالدى رەزەرۆتىك جۇيە سوڭعى بىرنەشە جىل بويى جۇزەگە اسىرىپ كەلە جاتقان «ساندىق جۇمسارتۋ» دەپ اتالاتىن مونەتارلىق ىنتالاندىرۋ باعدارلاماسىن تاعى قوسۋىنا تۋرا كەلەدى دەپ بولجاۋعا بولادى. ال بۇل اقشا مۇنداي كولەمدە ا ق ش- تىڭ قارجىلىق جۇيەسىنە تۇسەتىن بولسا، وندا ونىڭ ءبىر بولىگى الاياقتىق ارنالار ارقىلى تاۋار نارىعىنا قۇيىلادى. وسىلايشا، ءبىزدىڭ مۇنايىمىزدىڭ باعا بەلگىلەۋىنىڭ جوعارىلاۋىنا تۇرتكى بولا الادى»، - دەدى ۆ. دودونوۆ.
سونىمەن قاتار ساراپشى ءوز سوزىندە قازاقستان وسى جولعى الەمدەگى داعدارىس بارىسىندا مۇناي باعاسىنىڭ قۇلدىراۋى سالدارىنان اۋىر سوققىسىنان وتكەنىن اتاپ ءوتتى.
اۆتور: مارلان جيەمباي
